Astanada Túrkiia men Vetnamǵa viza rásimdep beremin dep azamattardy aldaǵan 33 jastaǵy áiel ustaldy. Kúdiktige qatysty alty alaiaqtyq deregi tirkelgen. Keltirilgen shyǵyn kólemi shamamen 15 mln teńgeni quraidy, dep habarlaidy ult.kz.
Polisia.kz málimetinshe, Esil aýdandyq kriminaldyq politsiia qyzmetkerleri kúdiktini ustaǵan. Ol azamattarǵa shetelge shyǵýǵa viza alyp berýge ýáde etip, qyzmeti úshin ártúrli somada aqsha alǵan. Alaida qarajatty alǵannan keiin bailanysqa shyqpai qoiǵan.
Qazirgi ýaqytta kúdikti óz kinásin tolyq moiyndaǵan. Atalǵan derek boiynsha sotqa deiingi tergeý amaldary júrgizilip jatyr.
Politsiia azamattardy shetelge shyǵýǵa kómektesemin degen adamdarǵa birden sene bermeýge shaqyrady. Mamandar viza rásimdeý qyzmetin usynatyn kompaniianyń zańdy mártebesin tekserip, kelisimshart talaptaryn muqiiat oqýǵa keńes beredi. Qyzmettiń sharttary tolyq túsinikti bolmaiynsha aqsha aýdarmaǵan jón.
