زاڭ نورمالارىن ەزٸرلەۋ بارىسىندا بٸرەۋلەردٸڭ جەكە مٷددەسٸنە بولا لوببي جاساۋدى تٷپ تامىرىمەن جويۋ قاجەت. بۇل تۋرالى 7-شٸ شاقىرىلعان پارلامەنتتٸڭ 1-شٸ سەسسيياسىن اشقان قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«زاڭ نورمالارىن ەزٸرلەۋ بارىسىندا بٸرەۋلەردٸڭ جەكە مٷددەسٸنە بولا لوببي جاساۋدى تٷپ تامىرىمەن جويۋ قاجەت. سٸزدەر ەڭ الدىمەن سايلاۋشىلاردىڭ سۇرانىسىن باسشىلىققا الىپ, تەۋەكەل مەن قاتەردٸڭ بەرٸن دە سارالاۋعا تيٸسسٸزدەر. دەپۋتاتتار ەردايىم قوعام تىنىسىن اڭعارىپ, تامىرىن دٶپ باسا بٸلگەنٸ جٶن. پارلامەنت ەل مٷددەسٸ ٷشٸن ايانباي قىزمەت ەتەتٸن قايناعان جۇمىس ورتاسى. حالقىمىز بٸزدەن وڭ ٶزگەرٸستەردٸ كٷتەتٸندٸگٸن ەردايىم ەستە ۇستاعان ابزال», - دەدٸ مەملەكەت باسشىسى.
سوندىقتان قر پرەزيدەنتٸ دەپۋتاتتاردىڭ شەشٸم قابىلداۋ كەزٸندە اسقان جاۋاپكەرشٸلٸك تانىتۋلارى قاجەتتٸگٸن باسا ايتتى.
«بارلىق جوسپارىمىز جەمٸستٸ جٷزەگە اسىرىلۋى ٷشٸن بٸر كٸسٸدەي جۇمىلىپ, ەڭبەك ەتۋٸمٸز كەرەك. بٸز كەز كەلگەن قيىندىقتى جەڭٸپ, بيلٸك بەلەستەرگە بٸرگە شىعامىز. ەدٸلەتتٸ ەرٸ ٶركەندەگەن قازاقستاندى بٸرگە قۇرامىز. قاستەرلٸ قۇندىلىقتارىمىزدى كٶزدٸڭ قاراشىعىنداي ساقتاپ, كەمەل كەلەشەككە بٸرگە قادام باسامىز» - دەدٸ قاسىم-جومارت توقاەۆ.
