پرەزيدەنت قاسىم-جومارت توقاەۆ قۇتقارۋشى كٷنٸنە وراي تٶتەنشە جاعدايلار سالاسىنىڭ قىزمەتكەرلەرٸنە مەملەكەتتٸك ناگرادالار تابىستاپ, ولاردىڭ ەڭبەگٸن جوعارى باعالادى, دەپ حابارلايدى ult.kz.
مەملەكەت باسشىسى قۇتقارۋشىلاردى بەيبٸت كٷننٸڭ باتىرلارى دەپ اتاپ, ولاردىڭ ادام ٶمٸرٸن ساقتاۋ ٷشٸن ٶز ٶمٸرٸن قاتەرگە تٸگەتٸنٸن ايتتى.
«قۇتقارۋشىلار كەز كەلگەن تٶتەنشە جاعدايدا بٸرٸنشٸ بولىپ كٶمەككە ۇمتىلادى. ولار ٶزگەنٸڭ ٶمٸرٸن ساقتاۋ ٷشٸن ٶز ٶمٸرٸن قاتەرگە تٸگەدٸ. بۇل – ناعىز قۇتقارۋشىعا تەن باتىرلىق», – دەدٸ پرەزيدەنت.
توقاەۆتىڭ ايتۋىنشا, قۇتقارۋشى بولۋ ٷشٸن باتىلدىق پەن قايسارلىق قانا ەمەس, كەسٸبي بٸلٸكتٸلٸك, جاۋاپكەرشٸلٸك جەنە وتانشىلدىق قاسيەتتەر دە قاجەت.
«اۋىل قۇتقارۋشىلارى» باستاماسىن بٷكٸل ەلگە تاراتۋ قاجەت
پرەزيدەنت شالعاي ەلدٸ مەكەندەردٸڭ قاۋٸپسٸزدٸگٸن قامتاماسىز ەتۋگە ەرەكشە نازار اۋداردى. ونىڭ ايتۋىنشا, «اۋىل قۇتقارۋشىلارى» باستاماسى اياسىندا كەيٸنگٸ ەكٸ جىلدا 300-گە جۋىق ٶرت سٶندٸرۋ بەكەتٸ قۇرىلىپ, سونىڭ نەتيجەسٸندە 450-گە جۋىق ٶرت دەر كەزٸندە توقتاتىلعان.
مەملەكەت باسشىسى وسى تەجٸريبەنٸ ەل اۋماعىندا كەڭٸنەن قولدانۋ قاجەت ەكەنٸن اتاپ ٶتتٸ.
سونىمەن قاتار ول ٶندٸرٸستٸك قاۋٸپسٸزدٸكتٸ ارتتىرۋ ٷشٸن تسيفرلىق تەحنولوگييالار مەن يننوۆاتسييالىق شەشٸمدەردٸ ەنگٸزۋدٸڭ ماڭىزىن ايتتى.
قۇتقارۋشىلار زاماناۋي تەحنيكامەن قامتاماسىز ەتٸلۋٸ كەرەك
قاسىم-جومارت توقاەۆ قۇتقارۋشىلاردى زاماناۋي تەحنيكامەن جەنە قاجەتتٸ قورعانىس قۇرالدارىمەن قامتاماسىز ەتۋ, ولاردىڭ كەسٸبي دايارلىعىن جەتٸلدٸرۋ جەنە قاۋٸپسٸز ەڭبەك جاعدايىن جاساۋ ٷكٸمەتتٸڭ نازارىندا بولۋى تيٸس ەكەنٸن جەتكٸزدٸ.
پرەزيدەنت قازٸرگٸ قۇتقارۋشىلار دەنە دايىندىعىمەن قاتار, زاماناۋي تەحنولوگييالاردى دا مەڭگەرۋٸ قاجەت ەكەنٸن ايتتى. ەسٸرەسە ۇشقىشسىز اپپاراتتار مەن اۆتوماتتاندىرىلعان جٷيەلەردٸ قولدانۋ ٷشٸن ارنايى بٸلٸم مەن داعدى كەرەگٸن اتاپ ٶتتٸ.
سونداي-اق مەملەكەت باسشىسى مەلٸك عابدۋللين اتىنداعى ازاماتتىق قورعاۋ اكادەميياسىنىڭ ماماندار دايارلاۋداعى رٶلٸنە توقتالىپ, وقۋ ورنى ەلەمدٸك تەجٸريبەنٸ زەرتتەپ, كٷردەلٸ قۇتقارۋ وپەراتسييالارىن زەردەلەۋٸ قاجەت ەكەنٸن ايتتى.
