Prezident Qasym-Jomart Toqaev Qutqarýshy kúnine orai tótenshe jaǵdailar salasynyń qyzmetkerlerine memlekettik nagradalar tabystap, olardyń eńbegin joǵary baǵalady, dep habarlaidy ult.kz.
Memleket basshysy qutqarýshylardy beibit kúnniń batyrlary dep atap, olardyń adam ómirin saqtaý úshin óz ómirin qaterge tigetinin aitty.
«Qutqarýshylar kez kelgen tótenshe jaǵdaida birinshi bolyp kómekke umtylady. Olar ózgeniń ómirin saqtaý úshin óz ómirin qaterge tigedi. Bul – naǵyz qutqarýshyǵa tán batyrlyq», – dedi Prezident.
Toqaevtyń aitýynsha, qutqarýshy bolý úshin batyldyq pen qaisarlyq qana emes, kásibi biliktilik, jaýapkershilik jáne otanshyldyq qasietter de qajet.
«Aýyl qutqarýshylary» bastamasyn búkil elge taratý qajet
Prezident shalǵai eldi mekenderdiń qaýipsizdigin qamtamasyz etýge erekshe nazar aýdardy. Onyń aitýynsha, «Aýyl qutqarýshylary» bastamasy aiasynda keiingi eki jylda 300-ge jýyq órt sóndirý beketi qurylyp, sonyń nátijesinde 450-ge jýyq órt der kezinde toqtatylǵan.
Memleket basshysy osy tájiribeni el aýmaǵynda keńinen qoldaný qajet ekenin atap ótti.
Sonymen qatar ol óndiristik qaýipsizdikti arttyrý úshin tsifrlyq tehnologiialar men innovatsiialyq sheshimderdi engizýdiń mańyzyn aitty.
Qutqarýshylar zamanaýi tehnikamen qamtamasyz etilýi kerek
Qasym-Jomart Toqaev qutqarýshylardy zamanaýi tehnikamen jáne qajetti qorǵanys quraldarymen qamtamasyz etý, olardyń kásibi daiarlyǵyn jetildirý jáne qaýipsiz eńbek jaǵdaiyn jasaý Úkimettiń nazarynda bolýy tiis ekenin jetkizdi.
Prezident qazirgi qutqarýshylar dene daiyndyǵymen qatar, zamanaýi tehnologiialardy da meńgerýi qajet ekenin aitty. Ásirese ushqyshsyz apparattar men avtomattandyrylǵan júielerdi qoldaný úshin arnaiy bilim men daǵdy keregin atap ótti.
Sondai-aq Memleket basshysy Málik Ǵabdýllin atyndaǵy Azamattyq qorǵaý akademiiasynyń mamandar daiarlaýdaǵy róline toqtalyp, oqý orny álemdik tájiribeni zerttep, kúrdeli qutqarý operatsiialaryn zerdeleýi qajet ekenin aitty.
