Ánshi Dilnaz Ahmadieva men «Aziia» tobynyń «MILFA» ánine túsirilgen beinebaiany áleýmettik jelide daý týdyrdy. Kliptegi qazaq tili muǵaliminiń beinesi kópshiliktiń narazylyǵyn týdyrǵan, dep habarlaidy ult.kz.
Beinebaianda Dilnaz Ahmadieva qazaq tili pániniń muǵalimi beinesinde kórinedi. Kliptegi «Qaidaǵy men táte? Táte degen – qate, eń bolmasa milfa de» degen sóz jeli qoldanýshylarynyń synyna ushyrady.
Keibir qoldanýshylar muǵalim beinesin seksýalizatsiialaý ustaz mamandyǵyna qurmetsizdik dep baǵalady. Sondai-aq beinebaian Almatydaǵy kolledjderdiń birinde túsirilgendikten, oqý ornyna qatysty tekserý júrgizýdi talap etkender de boldy.
«Aziia» toby keshirim surady
«Aziia» tobynyń múshesi Rinat Basit beinebaianǵa qatysty pikir bildirip, keshirim suraǵan. Onyń aitýynsha, týyndynyń maqsaty shyǵarmashylyq ideiany jetkizý bolǵan, ustazdardy qorlaý kózdelmegen.
Al Dilnaz Ahmadieva beinebaian parodiia retinde túsirilgen dep, keshirim suraýǵa esh negiz joq degen pikirde.
«Men eshkimniń aldynda keshirim suramaimyn. Bir ret birdeńe jasap edik, osyndai daý týyndap jatyr. Aiyppul salsa, jaqsy, tólep beremin. Biraq keshirim suramaimyn», - dep jaýap bergen Dilnaz Ahmadieva.
