Ońtústik Koreiada ózge kóliktiń jolyn bógep, júrgizýshisiniń kóligin tepkilegen 21 jastaǵy Qazaqstan azamaty ustaldy, dep habarlaidy ult.kz.
The Korea Herald málimetinshe, oqiǵa 29 shildede Kiongido provintsiiasyndaǵy Ichhon qalasynda bolǵan. Politsiia málimetinshe, kúdikti 30 jastaǵy júrgizýshiniń kóligin qýyp jetip, jolyn keskennen keiin kólikten túsip, onyń avtokóliginiń aldyńǵy bóligin tepkilegen.
Oqiǵa videosy áleýmettik jelide taraǵan. Alǵashynda kólik nómirin anyqtai almaǵan politsiia beinejazbany qaita zerttep, kúdiktini Anson qalasynda ustaǵan. Onyń kóligi tárkilendi.
Kúdikti jábirlenýshini kóligin satyp alýǵa ýáde berip, keiin bas tartqan basqa sheteldik azamatpen shatastyrǵanyn aitqan.
Oqiǵa ornynda bolǵan taǵy bir 25 jastaǵy Qazaqstan azamaty elde zańdy turý qujattary bolmaǵandyqtan, qazan aiynyń basynda Ońtústik Koreiadan shyǵarylǵan. Qazir politsiia ustalǵan kúdiktini qamaýǵa alýǵa sanktsiia surap, ekinshi azamatqa halyqaralyq izdeý jariialaý múmkindigin qarastyryp jatyr.
