وڭتٷستٸك كورەيادا ٶزگە كٶلٸكتٸڭ جولىن بٶگەپ, جٷرگٸزۋشٸسٸنٸڭ كٶلٸگٸن تەپكٸلەگەن 21 جاستاعى قازاقستان ازاماتى ۇستالدى, دەپ حابارلايدى ult.kz.
The Korea Herald مەلٸمەتٸنشە, وقيعا 29 شٸلدەدە كيونگيدو پروۆينتسيياسىنداعى يچحون قالاسىندا بولعان. پوليتسييا مەلٸمەتٸنشە, كٷدٸكتٸ 30 جاستاعى جٷرگٸزۋشٸنٸڭ كٶلٸگٸن قۋىپ جەتٸپ, جولىن كەسكەننەن كەيٸن كٶلٸكتەن تٷسٸپ, ونىڭ اۆتوكٶلٸگٸنٸڭ الدىڭعى بٶلٸگٸن تەپكٸلەگەن.
وقيعا ۆيدەوسى ەلەۋمەتتٸك جەلٸدە تاراعان. العاشىندا كٶلٸك نٶمٸرٸن انىقتاي الماعان پوليتسييا بەينەجازبانى قايتا زەرتتەپ, كٷدٸكتٸنٸ انسون قالاسىندا ۇستاعان. ونىڭ كٶلٸگٸ تەركٸلەندٸ.
كٷدٸكتٸ جەبٸرلەنۋشٸنٸ كٶلٸگٸن ساتىپ الۋعا ۋەدە بەرٸپ, كەيٸن باس تارتقان باسقا شەتەلدٸك ازاماتپەن شاتاستىرعانىن ايتقان.
وقيعا ورنىندا بولعان تاعى بٸر 25 جاستاعى قازاقستان ازاماتى ەلدە زاڭدى تۇرۋ قۇجاتتارى بولماعاندىقتان, قازان ايىنىڭ باسىندا وڭتٷستٸك كورەيادان شىعارىلعان. قازٸر پوليتسييا ۇستالعان كٷدٸكتٸنٸ قاماۋعا الۋعا سانكتسييا سۇراپ, ەكٸنشٸ ازاماتقا حالىقارالىق ٸزدەۋ جارييالاۋ مٷمكٸندٸگٸن قاراستىرىپ جاتىر.
