Merkide kóz jumǵan Madina Rashidqyzy týraly jańa derekter shyqty, dep habarlaidy ult.kz.

Jýrnalist Jan Ahmadiev marqumnyń qyryq kúndik asyna qatysty. Sol jerde Madinanyń kúieýi kelinsheginiń ishinen teýi balasyn túsirgeni týraly aityldy. Bul týraly marqumnyń anasy sóz qozǵaǵan. 

«Taǵy da Madiiar. Ol Madina ekiqabat kezde ishinen teýip, balasyn túsirgen degen áńgime tarap jatyr. Ony anasynyń aýzynan estidim. Jylap otyryp aityp jatyr», - dedi jýrnalist.  

Aita keteiik, Merkide kóz jumǵan kelinshektiń anasy kúieý balasynyń úiine taǵy barǵanyn jazǵan edik. Alaida áieldi qudaǵiy úige kirgizbei, tabaldyryq attatpai qoidy. 

Madina Rashidqyzy kim?
 

Madina Rashidqyzy - 2026 jylǵy tamyzda Jambyl oblysy, Merki aýdanynda 19 jasynda qaitys bolǵan jas kelinshek.

Málimetterge súiensek, Madina Ózbekstan azamaty bolǵan, Qazaqstan azamaty Madiiar Aitmyrzamen shamamen eki jyl nekede turǵan. Artynda 10 ailyq sábii qalǵan.

Oqiǵa Merki aýdanyndaǵy Qyzyl qystaq aýylynda bolǵan. Politsiia onyń ólimine bailanysty ózin-ózi óltirýge jetkizý faktisi boiynsha sotqa deiingi tergeý bastaǵan. Qaiǵyly jaǵdaidyń naqty sebepteri men mán-jaiyn tergeý organdary anyqtap jatyr.

Madinanyń óliminen keiin onyń qurbysyna jazǵan hattary da jariialanyp, onda kúieýimen janjal bolǵany jáne ajyrasqysy kelgeni týraly aitylǵan. Alaida áleýmettik jelide taraǵan keibir málimetterdiń barlyǵy resmi túrde rastalmaǵanyn eskerý kerek.

Keiin bul oqiǵaǵa bailanysty Madinanyń anasynyń nemeresin kóre almai júrgeni týraly da aqparat shyqty. 16 qyrkúiektegi málimet boiynsha, marqumnyń anasy nemeresin kórýge barǵanymen, qudalary oǵan balany kórsetýden bas tartqanyn aitqan.