Májilis depýtaty Zaǵipa Balieva jarymjan bala baǵyp otyrǵan ata-analardyń zeinetke shyǵý jasyn qysqartýdy usyndy.
Sondai-aq, onyń pikirinshe, múgedek bala kútimine beriletin járdemaqyny 18 jastan keiin de qaldyrý kerek, dep habarlady "Astana" arnasy.
Búginde Qazaqstanda 18 jasqa deiin 87 myń múmkindigi shekteýli bala bar. Olar úsh topqa bólinedi. 63,3 myńy týa bitken aýytqýlar men júike júiesi aýrýlaryna shaldyqqan. Estý qabileti buzylǵan balalar sany – 4,5 myń, kórý qabileti buzylǵandar – 4,5 myń, júrip-turýynda qiyndyǵy barlar – 28 myń. Zaǵipa Balieva elde kásibi psiholog joǵyn aitty.
"Daiyn kásibi psihologtar joq. Máskeý mektebi, Peterbor mektebi bar. Biraq Qazaqstan qoǵamyna beiimdelgen mamandar joq. Bilim ministrligi osyǵan nazar aýdarý kerek. Ǵalymdar bar, ǵylymi jumystar jazylady. Psihiatr bar. Biraq psihologtar joq. Biz balalar sýitsidi boiynsha úshinshi oryndamyz", - deidi Qazaqstan parlamenti májilisiniń depýtaty, Nur Otan fraktsiiasynyń múshesi.
