مەجٸلٸس دەپۋتاتى زاعيپا باليەۆا جارىمجان بالا باعىپ وتىرعان اتا-انالاردىڭ زەينەتكە شىعۋ جاسىن قىسقارتۋدى ۇسىندى.
سونداي-اق, ونىڭ پٸكٸرٸنشە, مٷگەدەك بالا كٷتٸمٸنە بەرٸلەتٸن جەردەماقىنى 18 جاستان كەيٸن دە قالدىرۋ كەرەك, دەپ حابارلادى "استانا" ارناسى.
بٷگٸندە قازاقستاندا 18 جاسقا دەيٸن 87 مىڭ مٷمكٸندٸگٸ شەكتەۋلٸ بالا بار. ولار ٷش توپقا بٶلٸنەدٸ. 63,3 مىڭى تۋا بٸتكەن اۋىتقۋلار مەن جٷيكە جٷيەسٸ اۋرۋلارىنا شالدىققان. ەستۋ قابٸلەتٸ بۇزىلعان بالالار سانى – 4,5 مىڭ, كٶرۋ قابٸلەتٸ بۇزىلعاندار – 4,5 مىڭ, جٷرٸپ-تۇرۋىندا قيىندىعى بارلار – 28 مىڭ. زاعيپا باليەۆا ەلدە كەسٸبي پسيحولوگ جوعىن ايتتى.
"دايىن كەسٸبي پسيحولوگتار جوق. مەسكەۋ مەكتەبٸ, پەتەربور مەكتەبٸ بار. بٸراق قازاقستان قوعامىنا بەيٸمدەلگەن ماماندار جوق. بٸلٸم مينيسترلٸگٸ وسىعان نازار اۋدارۋ كەرەك. عالىمدار بار, عىلىمي جۇمىستار جازىلادى. پسيحياتر بار. بٸراق پسيحولوگتار جوق. بٸز بالالار سۋيتسيدٸ بويىنشا ٷشٸنشٸ ورىندامىز", - دەيدٸ قازاقستان پارلامەنتٸ مەجٸلٸسٸنٸڭ دەپۋتاتى, Nur Otan فراكتسيياسىنىڭ مٷشەسٸ.
