Búgin Parijdegi IýNESKO-nyń shtab-páterinde Prezident Nursultan Nazarbaevtyń «Bolashaqqa baǵdar: rýhani jańǵyrý» maqalasynyń tusaýkeseri ótti, dep habarlaidy "Ult aqparat" "Habar 24" arnasyna silteme jasap.
Alǵash ret joǵary deńgeidegi halyqaralyq sharada Qazaqstannyń mádeni jetistikteri, tarihy men salt-dástúri tanystyryldy. Sondai-aq ǵalymdar jáne sarapshylardyń qatysýymen ǵylymi-praktikalyq konferentsiia ótti. Jiynǵa Qazaqstannyń Mádeniet ministri Arystanbek Muhamediuly qatysyp, Elbasynyń «Bolashaqqa baǵdar: rýhani jańǵyrý» atty maqalasynyń júzege asyrylý barysyn baiandady. Sondai-aq IýNESKO-nyń ortalyq zalynda Qazaqstannyń mádeni jáne foto kórmesi ashyldy. Onda elimizdiń tabiǵaty, mádenieti jáne salt-dástúrimen tanysýǵa bolady.
Andrei Hazbýlatov, Qazaq ǵylymi-zertteý mádeniet institýtynyń bas direktory:
- Joba «Qazaqstannyń virtýaldy kartasy» dep atalady. Onda Qazaq eliniń 14 oblysy usynylǵan. Ár óńirdiń tarihi, mádeni mańyzdy eskertkishteri kórsetiledi. Olardyń barlyǵy 3D formatynda sýretke túsirilgen. Kez kelgen adam nemese sheteldik týrist osy kartaǵa qarap, kórikti jerlermen tanysa alady.
Alber Fishler, Frantsiia ýniversitetiniń professory:
- Bul – óte mańyzdy shara. Qazaqstan men ondaǵy dástúrler jahandyq mádeni ortaǵa tabysty enip jatyr. Men Prezidenttiń «Rýhani jańǵyrý» Maqalasynyń mátinin oqyp shyqtym. Ózim úshin eki bólimdi erekshe belgilep aldym. Onda bilimniń jáne álemmen qarym-qatynastyń qajettiligi týraly aitylǵan.
Sondai-aq Parijdegi Shyǵys tilderi jáne órkeniet institýtynyń kitaphanasynda «Qazaq ádebieti men mádenieti» ortalyǵy ashyldy. Búgin IýNESKO-nyń shtab-páterinde tanymal qazaqstandyq ártisterdiń qatysýymen «Uly dala sazy» atty gala-kontsert ótedi.
Aita ketý kerek, Parij halqy ásirese Dimash Qudaibergenniń óner kórsetýin taǵatsyzdana kútýde.
.jpeg)