بٷگٸن پاريجدەگٸ يۋنەسكو-نىڭ شتاب-پەتەرٸندە پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنىڭ تۇساۋكەسەرٸ ٶتتٸ, دەپ حابارلايدى "ۇلت اقپارات" "حابار 24" ارناسىنا سٸلتەمە جاساپ.
العاش رەت جوعارى دەڭگەيدەگٸ حالىقارالىق شارادا قازاقستاننىڭ مەدەني جەتٸستٸكتەرٸ, تاريحى مەن سالت-دەستٷرٸ تانىستىرىلدى. سونداي-اق عالىمدار جەنە ساراپشىلاردىڭ قاتىسۋىمەن عىلىمي-پراكتيكالىق كونفەرەنتسييا ٶتتٸ. جيىنعا قازاقستاننىڭ مەدەنيەت مينيسترٸ ارىستانبەك مۇحامەديۇلى قاتىسىپ, ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ جٷزەگە اسىرىلۋ بارىسىن باياندادى. سونداي-اق يۋنەسكو-نىڭ ورتالىق زالىندا قازاقستاننىڭ مەدەني جەنە فوتو كٶرمەسٸ اشىلدى. وندا ەلٸمٸزدٸڭ تابيعاتى, مەدەنيەتٸ جەنە سالت-دەستٷرٸمەن تانىسۋعا بولادى.
اندرەي حازبۋلاتوۆ, قازاق عىلىمي-زەرتتەۋ مەدەنيەت ينستيتۋتىنىڭ باس ديرەكتورى:
- جوبا «قازاقستاننىڭ ۆيرتۋالدى كارتاسى» دەپ اتالادى. وندا قازاق ەلٸنٸڭ 14 وبلىسى ۇسىنىلعان. ەر ٶڭٸردٸڭ تاريحي, مەدەني ماڭىزدى ەسكەرتكٸشتەرٸ كٶرسەتٸلەدٸ. ولاردىڭ بارلىعى 3D فورماتىندا سۋرەتكە تٷسٸرٸلگەن. كەز كەلگەن ادام نەمەسە شەتەلدٸك تۋريست وسى كارتاعا قاراپ, كٶرٸكتٸ جەرلەرمەن تانىسا الادى.
البەر فيشلەر, فرانتسييا ۋنيۆەرسيتەتٸنٸڭ پروفەسسورى:
- بۇل – ٶتە ماڭىزدى شارا. قازاقستان مەن ونداعى دەستٷرلەر جاھاندىق مەدەني ورتاعا تابىستى ەنٸپ جاتىر. مەن پرەزيدەنتتٸڭ «رۋحاني جاڭعىرۋ» ماقالاسىنىڭ مەتٸنٸن وقىپ شىقتىم. ٶزٸم ٷشٸن ەكٸ بٶلٸمدٸ ەرەكشە بەلگٸلەپ الدىم. وندا بٸلٸمنٸڭ جەنە ەلەممەن قارىم-قاتىناستىڭ قاجەتتٸلٸگٸ تۋرالى ايتىلعان.
سونداي-اق پاريجدەگٸ شىعىس تٸلدەرٸ جەنە ٶركەنيەت ينستيتۋتىنىڭ كٸتاپحاناسىندا «قازاق ەدەبيەتٸ مەن مەدەنيەتٸ» ورتالىعى اشىلدى. بٷگٸن يۋنەسكو-نىڭ شتاب-پەتەرٸندە تانىمال قازاقستاندىق ەرتٸستەردٸڭ قاتىسۋىمەن «ۇلى دالا سازى» اتتى گالا-كونتسەرت ٶتەدٸ.
ايتا كەتۋ كەرەك, پاريج حالقى ەسٸرەسە ديماش قۇدايبەرگەننٸڭ ٶنەر كٶرسەتۋٸن تاعاتسىزدانا كٷتۋدە.
.jpeg)