Tanymal bloger Yrysbala Ikrambai áleýmettik jelidegi paraqshasynda ajyrasý máselesine qatysty jazba jariialap, kópshiliktiń qyzý talqysyna tústi, dep habarlaidy ult.kz.
Ol zańdy nekeni buzý rásimi týraly tájiribesimen bólisip, ortaq bala nemese birge jinalǵan múlik bolǵan jaǵdaida nekeni AHAT (AHAJ) bólimi emes, tek sot arqyly buzýǵa bolatynyn aitty.
«Ǵaiyptan taiyp ajyrasamyn deseńiz, men siiaqty AHAT-qa kelip áýre bolyp júrmeńizder. Eger ortada bala, ortaq dúnie-múlik bolsa, onda tek sot ajyrastyrady eken. Bilip júrińder», – dep jazdy bloger.
Sondai-aq Yrysbala Ikrambai bul jaǵdaiǵa bailanysty ózine habarlasyp, aqyl aitý nemese aiaýshylyq tanytýdyń qajeti joq ekenin jetkizdi.
«Ómir ǵoi, buny da kóreiik. Qońyraý shalyp, jazyp, ótirik janashyrlyq tanytpańdar. Óz aqylym ózime jetedi», – dedi ol.
Blogerdiń bul jazbasy áleýmettik jeli qoldanýshylary arasynda túrli pikir týǵyzyp, onyń rasymen ajyrasqaly júrgeni týraly boljamdardyń kóbeiýine sebep boldy. Alaida ol ázirge jaǵdaidyń mán-jaiyna qatysty basqa aqparat bergen joq.
