Sáláfizmniń dárisin taptym
Eger de bireý SPID-tiń emin taptym dese ne bolar edi? Árine, aitqany aidai bolsa, Nobel syilyǵyn alǵan bolar edi. Bizge bul syilyǵyńyz qaidam... «Aýyldaǵynyń aýyzy sasyq» demekshi, mundai marapat bizge qaidan buiyra qoisyn? Múbáda, men osy bir ǵasyr indetinen salmaǵy pálenbai ese aýyr bolmasa, esh kemdigi joq sálafizm dertiniń shipasyn taptym. Endi osy hikaiany sizderge barynsha qysqartyp aityp bermekke talaptanyp kóreiin. Bárimizge de bes saýsaǵymyzdai belgili bolsa da sáláfizm simptomyna taǵy da bir toqtala keteiin.
Sáláfizm indetiniń jeńil túri:
Buǵan urynǵandar «yqylyq» tigen adamdamdai «astafiralla» men «mashalla» sózin qai jerde qoldaný kerektigin esh aiyrmastan betaldy qoldana beredi. Máselen, siz bir adamnyń dúnieden ótkendigi jaiynda «sol» adamǵa estirtip jatsyz delik. Ol oǵan esh oilanbastan «mashalla» dese buǵan bola ókpeleýdiń tipti de qajeti joq.
Sáláfizm indetiniń asqynǵan túri:
Bul «jaryqtyqtar» bilimdi óz betimen emes, ózderi qulai sengen sheihtarynan tyńdap úirengendikten, bularda jeke kózqaras degen atymen bolmaidy. Sondyqtan da dóp-dóńgelek dúmshe keledi.
Bir qyzyǵy, osy jandardyń bosaǵasyna abaisyzda bas suqqan bolsańyz, álgi áýlekiler áielin jasyryp álekke túsedi. Sol kezde mynadai bir oi sanańda sart ete qalady eken. Osy nemeniń áieli buzyq, ia bolmasa kelgen qonaqtyń nieti nashar ma degen. Áitpese, áielin jasyryp nesine ábigerge túsedi sonsha. Sodan keiin qaraptan-qarap ashýǵa boi aldyrady ekensiń. «Bul qai ǵasyr, ai nadandyq-ai!» deisiń qapalanyp...
Eger de eriniń jaq júni úrpiip balaǵy qysqaryp ketse, al áiel zatynyń beti búrkemelenip, qara jamylǵan bolsa, bul olardyń denesiniń ǵana emes sanasynyń da qysqaryp, qara jamylyp ketkendigin kórsetedi (Ata-baba tanymynan at tonyn ala qashyp, qazaqqa qatysty birdeńe deseń bolǵany «shirk» dep shyǵa keletinder de osylardyń sapynan ǵoi). Solai desek te bul aýrýdan qulan taza qutylyp, saýyǵyp ketýdiń sara joly bar.
Arýdyń shipasy (nemese retseptisi):
Bul indetke urynǵandarǵa tómendegidei keńes usynamyz. Osy sharttar tolyqqandy saqtalǵanda ǵana syrqattyń saýyǵyp ketetindigine júz paiyzǵa kepildik beremiz.
AQB men MJK dárisin kún qurǵatpai bes ýaqyttan qoldanyp otyrýy tiis. Arasynda zamanaýi DKT men ZJB tunbalaryn da táýligine tórt retten tutynyp turýdyń eshqandai da ziiany joq. Osy indetti barynsha aýyzdyqtaýǵa kómektesetin em-domnyń biri ÁFI men HISI preparaty. Ásirese, HISI dárisin mólsherinen asyrmaǵan jón. Nege deseńiz, áseri óte kúshti. Eger de adam muny artyq qoldanǵan bolsa, onyń júregi kóterilip basy ońdy-soldy bulǵaqtap óz-ózine baǵynbai ketýi ábden múmkin. Osyny barynsha eskertkimiz keledi. Al aýyrǵan aǵaiyndar, qabyldaǵan em-domdaryńyz qabyl bolsyn. Jandaryńyzǵa jaratqan shipasyn darytsyn deimiz...
AQB - Abai Qunanbai balasy,
MJK - Máshhúr-Júsip Kópeev
DKT - Dosai Kenjetai
ZJB – Zikiriia Jandarbek
ÁFI - Ál-Farabi
HISI - Hoja Ahmet Iassaýi
Yqylas Ojaiulynyń feisbýktaǵy jazbasynan
