Mańǵystaý oblysynyń ekologiia departamenti Baýtino aýyly mańyndaǵy «Asan» jáne «Qasa» aýmaqtary aralyǵyndaǵy jaǵalaýdan óli itbalyqtar tabylǵanyn habarlady. Bul týraly Lada.kz -ke silteme jasap ult.kz habarlaidy.
Vedomstvo málimetinshe, 19 mamyr kúni oblystyq balyq sharýashylyǵy basqarmasynyń janýarlar dúniesin qorǵaý qyzmetiniń inspektorlary 35 itbalyqtyń jáne bekire tuqymdas eki balyqtyń óleksesin anyqtaǵan.
Osyǵan bailanysty ekologiia departamentiniń zerthanalyq-taldamalyq baqylaý bóliminiń mamandary atalǵan aýmaqta teńiz sýynan synama aldy.
"Sý synamalaryn zertteý nátijeleri týraly qosymsha habarlanady", – dep málimdedi departament ókilderi.
Buǵan deiin Mańǵystaý oblystyq ekologiia departamentiniń zerthanalyq-taldamalyq baqylaý bóliminiń mamandary 13 mamyr kúni Túpqaraǵan aýdanyna baryp, teńiz sýynan synama alǵany habarlanǵan edi. Taldaý qorytyndysy boiynsha sýda lastaýshy zattar anyqtalmaǵan.
Eske salaiyq, 10-11 mamyr kúnderi Túpqaraǵan aýdanyndaǵy Baýtino aýyly jaǵalaýynan 37 óli itbalyq tabylǵan bolatyn.
Itbalyqtardyń jappai qyrylýynyń yqtimal sebepteriniń biri retinde tabiǵi suryptalý ataldy.
