Myna sháýildek orystardyń áńgimesinen keiin qazaqqa Shyńǵyshan tulǵasy ne úshin kerek ekenin túsingen shyǵarsyzdar?!
Tarihi saiasaty (“istoricheskaia politika”) durys túzilmegen elge mundai aqparattyq shabýyl únemi jasala beredi. Ágáráki, bizdi álem (áýeli ózimiz, árine, túisinsek) Shyńǵyshan imperiiasynyń, Altyn Orda memleketiniń zańdy murageri dep tanysa, territoriialar jóninde olar emes, biz áńgime aitar edik.
Keiingi jyldary soltústik kórshi tarapynan oqtyn-oqtyn jasalyp jatqan “aqparattyq túrtip kórý” oiyny (“informatsionnyi vbros”) erteń úlken territoriialyq talaptarǵa ulasýy múmkin. Sol kezde ózimizdiń sanamyzda oianǵan, álem moiyndaǵan tarihty alǵa tartý arqyly ǵana biz mundai qoqan-loqqydan qutyla alamyz. Qazaqqa Túrki imperiiasy, Shyńǵyshan, Altyn Orda tarihy ne úshin kerek degenderge naqty jaýap - osy.
Al, buǵan qalai qol jetkizemiz deseńizder, bizdiń tarihqa orys shovinizmi, kommýnistik paradigmasynan qaraýdy doǵarý kerek. Ókinishke qarai, tarihymyzǵa degen mundai kózqaras bizdiń qanymyzǵa ábden sińip ketken. Sodan arylmasaq, óz tarihymyzǵa áýeli ózimiz senbesek, osylai májin bop júre beremiz...
Aqberen Elgezektiń feisbýktaǵy jazbasynan
