سەلەفيزمنٸڭ دەرٸسٸن تاپتىم
ەگەر دە بٸرەۋ سپيد-تٸڭ ەمٸن تاپتىم دەسە نە بولار ەدٸ? ەرينە, ايتقانى ايداي بولسا, نوبەل سىيلىعىن العان بولار ەدٸ. بٸزگە بۇل سىيلىعىڭىز قايدام... «اۋىلداعىنىڭ اۋىزى ساسىق» دەمەكشٸ, مۇنداي ماراپات بٸزگە قايدان بۇيىرا قويسىن? مٷبەدا, مەن وسى بٸر عاسىر ٸندەتٸنەن سالماعى پەلەنباي ەسە اۋىر بولماسا, ەش كەمدٸگٸ جوق سەلافيزم دەرتٸنٸڭ شيپاسىن تاپتىم. ەندٸ وسى حيكايانى سٸزدەرگە بارىنشا قىسقارتىپ ايتىپ بەرمەككە تالاپتانىپ كٶرەيٸن. بەرٸمٸزگە دە بەس ساۋساعىمىزداي بەلگٸلٸ بولسا دا سەلەفيزم سيمپتومىنا تاعى دا بٸر توقتالا كەتەيٸن.
سەلەفيزم ٸندەتٸنٸڭ جەڭٸل تٷرٸ:
بۇعان ۇرىنعاندار «ىقىلىق» تيگەن ادامدامداي «استافيراللا» مەن «ماشاللا» سٶزٸن قاي جەردە قولدانۋ كەرەكتٸگٸن ەش ايىرماستان بەتالدى قولدانا بەرەدٸ. مەسەلەن, سٸز بٸر ادامنىڭ دٷنيەدەن ٶتكەندٸگٸ جايىندا «سول» ادامعا ەستٸرتٸپ جاتسىز دەلٸك. ول وعان ەش ويلانباستان «ماشاللا» دەسە بۇعان بولا ٶكپەلەۋدٸڭ تٸپتٸ دە قاجەتٸ جوق.
سەلەفيزم ٸندەتٸنٸڭ اسقىنعان تٷرٸ:
بۇل «جارىقتىقتار» بٸلٸمدٸ ٶز بەتٸمەن ەمەس, ٶزدەرٸ قۇلاي سەنگەن شەيحتارىنان تىڭداپ ٷيرەنگەندٸكتەن, بۇلاردا جەكە كٶزقاراس دەگەن اتىمەن بولمايدى. سوندىقتان دا دٶپ-دٶڭگەلەك دٷمشە كەلەدٸ.
بٸر قىزىعى, وسى جانداردىڭ بوساعاسىنا ابايسىزدا باس سۇققان بولساڭىز, ەلگٸ ەۋلەكٸلەر ەيەلٸن جاسىرىپ ەلەككە تٷسەدٸ. سول كەزدە مىناداي بٸر وي ساناڭدا سارت ەتە قالادى ەكەن. وسى نەمەنٸڭ ەيەلٸ بۇزىق, يا بولماسا كەلگەن قوناقتىڭ نيەتٸ ناشار ما دەگەن. ەيتپەسە, ەيەلٸن جاسىرىپ نەسٸنە ەبٸگەرگە تٷسەدٸ سونشا. سودان كەيٸن قاراپتان-قاراپ اشۋعا بوي الدىرادى ەكەنسٸڭ. «بۇل قاي عاسىر, اي ناداندىق-اي!» دەيسٸڭ قاپالانىپ...
ەگەر دە ەرٸنٸڭ جاق جٷنٸ ٷرپيٸپ بالاعى قىسقارىپ كەتسە, ال ەيەل زاتىنىڭ بەتٸ بٷركەمەلەنٸپ, قارا جامىلعان بولسا, بۇل ولاردىڭ دەنەسٸنٸڭ عانا ەمەس ساناسىنىڭ دا قىسقارىپ, قارا جامىلىپ كەتكەندٸگٸن كٶرسەتەدٸ (اتا-بابا تانىمىنان ات تونىن الا قاشىپ, قازاققا قاتىستى بٸردەڭە دەسەڭ بولعانى «شيرك» دەپ شىعا كەلەتٸندەر دە وسىلاردىڭ ساپىنان عوي). سولاي دەسەك تە بۇل اۋرۋدان قۇلان تازا قۇتىلىپ, ساۋىعىپ كەتۋدٸڭ سارا جولى بار.
ارۋدىڭ شيپاسى (نەمەسە رەتسەپتٸسٸ):
بۇل ٸندەتكە ۇرىنعاندارعا تٶمەندەگٸدەي كەڭەس ۇسىنامىز. وسى شارتتار تولىققاندى ساقتالعاندا عانا سىرقاتتىڭ ساۋىعىپ كەتەتٸندٸگٸنە جٷز پايىزعا كەپٸلدٸك بەرەمٸز.
اقب مەن مجك دەرٸسٸن كٷن قۇرعاتپاي بەس ۋاقىتتان قولدانىپ وتىرۋى تيٸس. اراسىندا زاماناۋي دكت مەن زجب تۇنبالارىن دا تەۋلٸگٸنە تٶرت رەتتەن تۇتىنىپ تۇرۋدىڭ ەشقانداي دا زييانى جوق. وسى ٸندەتتٸ بارىنشا اۋىزدىقتاۋعا كٶمەكتەسەتٸن ەم-دومنىڭ بٸرٸ ەفي مەن حيسي پرەپاراتى. ەسٸرەسە, حيسي دەرٸسٸن مٶلشەرٸنەن اسىرماعان جٶن. نەگە دەسەڭٸز, ەسەرٸ ٶتە كٷشتٸ. ەگەر دە ادام مۇنى ارتىق قولدانعان بولسا, ونىڭ جٷرەگٸ كٶتەرٸلٸپ باسى وڭدى-سولدى بۇلعاقتاپ ٶز-ٶزٸنە باعىنباي كەتۋٸ ەبدەن مٷمكٸن. وسىنى بارىنشا ەسكەرتكٸمٸز كەلەدٸ. ال اۋىرعان اعايىندار, قابىلداعان ەم-دومدارىڭىز قابىل بولسىن. جاندارىڭىزعا جاراتقان شيپاسىن دارىتسىن دەيمٸز...
اقب - اباي قۇنانباي بالاسى,
مجك - مەشھٷر-جٷسٸپ كٶپەەۆ
دكت - دوساي كەنجەتاي
زجب – زٸكٸرييا جانداربەك
ەفي - ەل-فارابي
حيسي - حوجا احمەت ياسساۋي
ىقىلاس وجايۇلىنىڭ فەيسبۋكتاعى جازباسىنان
