Qurmetti qaýym!«Jańa gýmanitarlyq bilim. Qazaq tilindegi 100 jańa oqýlyq» jobasy mazmundyq jaǵynan aiaqtaldy. Álemniń eń jaqsy degen 100 oqýlyǵy qazaq tiline aýdaryldy, árqaisysy 10 myń danamen basylyp, elimizdiń barlyq joǵary oqý oryndaryna jetkizildi. Oqýlyqtardyń elektrondy nusqalaryn OpenU.kz portalynan erkin oqýǵa bolady. Olardyń negizinde daiyndalǵan 200 video kýrs ta atalǵan portalda ashyq tur.Bul jumystyń qandai jaýapkershilikpen, nendei talappen, qandai zor eńbek arqasynda oryndalǵanyn jobaǵa qatysqan júzdegen áriptesimiz jaqsy biledi.«Ulttyq aýdarma biýrosy» osy jumysqa jaýapty uiym retinde memleket aldyndaǵy mindetin tolyq oryndady. Aýdarma men baspa sapasyna, kitaptardy jetkizý merzimine qatysty bizge qoiar kiná joq.Bul – ortaq jumystyń nátijesi, osy jobaǵa atsalysqan aýdarmashylar, ǵalymdar men redaktor mamandar, korrektorlar men betteýshilerdiń, bizben birge eńbek etken baspahanalar men stýdiia mamandarynyń qajyrly eńbeginiń jemisi. Ol úshin barlyq áriptesterimizge alǵys aitamyz, rizashylyq bildiremiz.Alaida, aradaǵy sharttyń talaptaryna sáikes tolyq oryndalyp, tapsyrylǵan jumysty Bilim jáne ǵylym ministrligi qabyldap almady. Jumystyń aqysy tólenbedi. Osyǵan orai, «Ulttyq aýdarma biýrosy» shartta kórsetilgen zańdy talaptaryn alǵa tartyp, sotqa júgindi.«Ulttyq aýdarma biýrosy» ondaǵan sheteldik avtor men quqyq ielenýshi baspalar, birneshe iri baspahana jáne bárinen buryn júzdegen aýdarmashy men redaktorlarǵa qarajat bereshek. Alǵashqy kezekte jumysqa atsalysqan mamandar aldyndaǵy qaryz tólenedi. Onyń negizgi bóligi óteldi.Elimizdegi zańnyń biligi, sottyń adaldyǵy ras bolsa, sózimiz rastalyp, eńbegimiz ótelýi tiis. Oǵan kámil senemiz.Búkil qoǵam kóz tikken úlken jumys o bastan kópshiliktiń nazarynda. Qazir de áleýmettik jelide túrli talqy júrip jatyr. Shyn máninde anyq-qanyǵyn bilgisi keletin adamǵa uǵynyqty jaýaptar áldeqashan berildi. Jumystyń esep-qisaby talai ret qaralyp, tekserildi. Tártip pen zańnyń buzylmaǵany dáleldengen. Bul joly da solai bolatynyna senimdimiz. Sondyqtan sabyr saqtap, aq-qarasyn ajyratýdy sotqa tapsyrdyq.Osyǵan orai, «Ulttyq aýdarma biýrosy» ázirge shyǵarmashylyq jumysyn toqtatyp, qyzmetkerlerin qysqartýǵa májbúr.Shyǵarmashylyq ujymǵa, eldik jobaǵa janashyr barsha qaýymǵa rahmet aitamyz!.."
Raýan Kenjehanulynyń feisbýktaǵy jazbasynan
