Foto: ©RIA Novosti
QR Básekelestikti qorǵaý jáne damytý agenttigi "Iandeks. Taksige" qatysty monopoliiaǵa qarsy tergeýlerdi aiaqtady, - dep habarlaidy "Ult aqparat" vedomstvonyń baspasóz qyzmetine silteme jasap.
Tergep-tekserýdiń qorytyndysy boiynsha, kompaniia baqylaý-kassalyq mashinalardyń baǵdarlamalyq qamtamasyz etýin tehnikalyq qoldaý qyzmetterin júkteýde kórsetilgen taksoparkterdiń ekonomikalyq qyzmetin úilestirgeni úshin ákimshilik jaýapkershilikke tartylǵan.
"Sondai-aq, "Iandeks. Taksi" monopoliiaǵa qarsy organǵa aqparat bermegeni úshin ákimshilik jaýapkershilikke tartyldy.
Kompaniia Qazaqstannyń tsifrlyq ekojúiesin qoldaý qoryna óz erkimen 3 mlrd teńge aýdardy.
Sonymen qatar agenttik pen "Iandeks. Taksi" monopoliiaǵa qarsy komplaens jasasyp, onyń aiasynda mynadai sharalar keshenin iske asyrý kózdelgen:
- birinshiden, júrgizýshiler úshin eńbekaqyny arttyrý shartynyń biri retinde, eger tapsyrys jol júrý aqysynyń bazalyq qunynan eki ese asatyn bolsa, 14 jeltoqsannan bastap Iandeks komissiiasyn óndirip alýdy toqtatatyn boldy; (ekonomikalyq áseri jylyna shamamen 2 milliard teńgege);
- júrgizýshiler úshin qosymsha bonýstyq baǵdarlama engizý (2024 jyly sala ainalymy men infliatsiianyń ósýine bailanysty 7-10 milliard teńge);
- tarifti qalyptastyrýdyń ashyqtyǵyn arttyrý maqsatynda tarifti ne úshin kótergeni jáne qandai ózgeris bolǵany týraly negizdeme keltire otyra, paidalanýshy qosymshasyn jaqsartý.
- ekinshiden, jolaýshylar úshin jańartylǵan "Birge" tarifi engiziledi, ol tipti eń joǵary suranys bolyp turǵannyń ózinde, tómen baǵamen taksige tapsyrys berýge múmkindik beredi (tarifti h2-ge deiin kóterýge shekteýler);
- agregator taksi qyzmetterine eń joǵary suranys jaǵdaiynda, mysaly, aýa-raiynyń qolaisyzdyǵynda nemese mereke kúnderi h3-ten joǵary tarifti kóterýge shekteýler engizedi - toqsanyna atalmysh deńgeiden joǵary saparlardyń sany 5 paiyzdan aspaityn bolady;
- balamen júretin jolaýshylar úshin "balalar" tarifi engiziledi, ol balalar kreslolary nemese býsteri bar avtokólikti shaqyrýǵa múmkindik beredi.
Taksi júrgizýshilerimen tiimdi qarym-qatynas jasaý jáne klienttermen bailanysty qoldaý úshin Call-ortalyqta "kádimgi" operator jumys isteitin bolady", - delingen habarlamada.
Sonymen qatar, jolaýshylar men júrgizýshilerdiń múddeleriniń tepe-teńdigin qamtamasyz etetin kelesi júieli sharalar qabyldanǵan:
- Agenttik zańnamaǵa túzetýler engizýge bastamashylyq jasady, olardy engizý júrgizýshilerge Iandeks-pen taksoparksiz tikelei jumys isteýge múmkindik beredi (taksoparkter komissiiasy 4-8 paiyz bolady);
- "Iandeks" baǵdarlamalyq qamtamasyz etýdi, sondai-aq baǵa belgileýge áser etetin faktorlardy (aýa raiy jaǵdailary, mereke kúnderi, suranystyń artýy, júrgizýshilerdiń bolmaýy jáne t.b.) egjei-tegjeili zerdeleý úshin IT salasyndaǵy táýelsiz aýditorlyq kompaniia agenttikpen, Tsifrlyq damý jáne aeroǵarysh ónerkásibi ministrligimen birlesip algoritmdik baǵa belgileý aýditin júrgizedi.
"Iandeks" mindettemeleriniń monopoliiaǵa qarsy komplaens sheńberinde oryndalýy Agenttik janyndaǵy arnaiy monitoringtik toptyń baqylaýynda bolady. Onyń quramyna kásibi qoǵamdastyqtardyń sarapshylary (bastamashyl toptardyń, kólik, eńbek jáne halyqty áleýmettik qorǵaý, ádilet, tsifrlyq damý jáne innovatsiialar ministrlikteriniń, sondai-aq taksoparkter qaýymdastyǵynyń ókilderi) kiredi. Bul týyndaityn syn-qaterlerdi ýaqtyly qaraýǵa múmkindik beredi.
Sonymen qatar, bolashaqta básekelestikti qorǵaý salasyndaǵy zańnamany buzý faktileri anyqtalǵan kezde Agenttik zańnamada belgilengen tiisti sharalardy qoldanatyn bolady" - delingen habarlamada.
