فوتو: ©ريا نوۆوستي
قر بەسەكەلەستٸكتٸ قورعاۋ جەنە دامىتۋ اگەنتتٸگٸ "ياندەكس. تاكسيگە" قاتىستى مونوپوليياعا قارسى تەرگەۋلەردٸ اياقتادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
تەرگەپ-تەكسەرۋدٸڭ قورىتىندىسى بويىنشا, كومپانييا باقىلاۋ-كاسسالىق ماشينالاردىڭ باعدارلامالىق قامتاماسىز ەتۋٸن تەحنيكالىق قولداۋ قىزمەتتەرٸن جٷكتەۋدە كٶرسەتٸلگەن تاكسوپاركتەردٸڭ ەكونوميكالىق قىزمەتٸن ٷيلەستٸرگەنٸ ٷشٸن ەكٸمشٸلٸك جاۋاپكەرشٸلٸككە تارتىلعان.
"سونداي-اق, "ياندەكس. تاكسي" مونوپوليياعا قارسى ورگانعا اقپارات بەرمەگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى.
كومپانييا قازاقستاننىڭ تسيفرلىق ەكوجٷيەسٸن قولداۋ قورىنا ٶز ەركٸمەن 3 ملرد تەڭگە اۋداردى.
سونىمەن قاتار اگەنتتٸك پەن "ياندەكس. تاكسي" مونوپوليياعا قارسى كومپلاەنس جاساسىپ, ونىڭ اياسىندا مىناداي شارالار كەشەنٸن ٸسكە اسىرۋ كٶزدەلگەن:
- بٸرٸنشٸدەن, جٷرگٸزۋشٸلەر ٷشٸن ەڭبەكاقىنى ارتتىرۋ شارتىنىڭ بٸرٸ رەتٸندە, ەگەر تاپسىرىس جول جٷرۋ اقىسىنىڭ بازالىق قۇنىنان ەكٸ ەسە اساتىن بولسا, 14 جەلتوقساننان باستاپ ياندەكس كوميسسيياسىن ٶندٸرٸپ الۋدى توقتاتاتىن بولدى; (ەكونوميكالىق ەسەرٸ جىلىنا شامامەن 2 ميلليارد تەڭگەگە);
- جٷرگٸزۋشٸلەر ٷشٸن قوسىمشا بونۋستىق باعدارلاما ەنگٸزۋ (2024 جىلى سالا اينالىمى مەن ينفلياتسييانىڭ ٶسۋٸنە بايلانىستى 7-10 ميلليارد تەڭگە);
- تاريفتٸ قالىپتاستىرۋدىڭ اشىقتىعىن ارتتىرۋ ماقساتىندا تاريفتٸ نە ٷشٸن كٶتەرگەنٸ جەنە قانداي ٶزگەرٸس بولعانى تۋرالى نەگٸزدەمە كەلتٸرە وتىرا, پايدالانۋشى قوسىمشاسىن جاقسارتۋ.
- ەكٸنشٸدەن, جولاۋشىلار ٷشٸن جاڭارتىلعان "بٸرگە" تاريفٸ ەنگٸزٸلەدٸ, ول تٸپتٸ ەڭ جوعارى سۇرانىس بولىپ تۇرعاننىڭ ٶزٸندە, تٶمەن باعامەن تاكسيگە تاپسىرىس بەرۋگە مٷمكٸندٸك بەرەدٸ (تاريفتٸ ح2-گە دەيٸن كٶتەرۋگە شەكتەۋلەر);
- اگرەگاتور تاكسي قىزمەتتەرٸنە ەڭ جوعارى سۇرانىس جاعدايىندا, مىسالى, اۋا-رايىنىڭ قولايسىزدىعىندا نەمەسە مەرەكە كٷندەرٸ ح3-تەن جوعارى تاريفتٸ كٶتەرۋگە شەكتەۋلەر ەنگٸزەدٸ - توقسانىنا اتالمىش دەڭگەيدەن جوعارى ساپارلاردىڭ سانى 5 پايىزدان اسپايتىن بولادى;
- بالامەن جٷرەتٸن جولاۋشىلار ٷشٸن "بالالار" تاريفٸ ەنگٸزٸلەدٸ, ول بالالار كرەسلولارى نەمەسە بۋستەرٸ بار اۆتوكٶلٸكتٸ شاقىرۋعا مٷمكٸندٸك بەرەدٸ.
تاكسي جٷرگٸزۋشٸلەرٸمەن تيٸمدٸ قارىم-قاتىناس جاساۋ جەنە كليەنتتەرمەن بايلانىستى قولداۋ ٷشٸن Call-ورتالىقتا "كەدٸمگٸ" وپەراتور جۇمىس ٸستەيتٸن بولادى", - دەلٸنگەن حابارلامادا.
سونىمەن قاتار, جولاۋشىلار مەن جٷرگٸزۋشٸلەردٸڭ مٷددەلەرٸنٸڭ تەپە-تەڭدٸگٸن قامتاماسىز ەتەتٸن كەلەسٸ جٷيەلٸ شارالار قابىلدانعان:
- اگەنتتٸك زاڭناماعا تٷزەتۋلەر ەنگٸزۋگە باستاماشىلىق جاسادى, ولاردى ەنگٸزۋ جٷرگٸزۋشٸلەرگە ياندەكس-پەن تاكسوپاركسٸز تٸكەلەي جۇمىس ٸستەۋگە مٷمكٸندٸك بەرەدٸ (تاكسوپاركتەر كوميسسيياسى 4-8 پايىز بولادى);
- "ياندەكس" باعدارلامالىق قامتاماسىز ەتۋدٸ, سونداي-اق باعا بەلگٸلەۋگە ەسەر ەتەتٸن فاكتورلاردى (اۋا رايى جاعدايلارى, مەرەكە كٷندەرٸ, سۇرانىستىڭ ارتۋى, جٷرگٸزۋشٸلەردٸڭ بولماۋى جەنە ت.ب.) ەگجەي-تەگجەيلٸ زەردەلەۋ ٷشٸن IT سالاسىنداعى تەۋەلسٸز اۋديتورلىق كومپانييا اگەنتتٸكپەن, تسيفرلىق دامۋ جەنە اەروعارىش ٶنەركەسٸبٸ مينيسترلٸگٸمەن بٸرلەسٸپ الگوريتمدٸك باعا بەلگٸلەۋ اۋديتٸن جٷرگٸزەدٸ.
"ياندەكس" مٸندەتتەمەلەرٸنٸڭ مونوپوليياعا قارسى كومپلاەنس شەڭبەرٸندە ورىندالۋى اگەنتتٸك جانىنداعى ارنايى مونيتورينگتٸك توپتىڭ باقىلاۋىندا بولادى. ونىڭ قۇرامىنا كەسٸبي قوعامداستىقتاردىڭ ساراپشىلارى (باستاماشىل توپتاردىڭ, كٶلٸك, ەڭبەك جەنە حالىقتى ەلەۋمەتتٸك قورعاۋ, ەدٸلەت, تسيفرلىق دامۋ جەنە يننوۆاتسييالار مينيسترلٸكتەرٸنٸڭ, سونداي-اق تاكسوپاركتەر قاۋىمداستىعىنىڭ ٶكٸلدەرٸ) كٸرەدٸ. بۇل تۋىندايتىن سىن-قاتەرلەردٸ ۋاقتىلى قاراۋعا مٷمكٸندٸك بەرەدٸ.
سونىمەن قاتار, بولاشاقتا بەسەكەلەستٸكتٸ قورعاۋ سالاسىنداعى زاڭنامانى بۇزۋ فاكتٸلەرٸ انىقتالعان كەزدە اگەنتتٸك زاڭنامادا بەلگٸلەنگەن تيٸستٸ شارالاردى قولداناتىن بولادى" - دەلٸنگەن حابارلامادا.
