Foto: Instagram.com
Búgin Atyraý qalasynyń soty Iana Legkodimovany óltirdi dep aiyptalǵan kúdiktilerge úkim shyǵardy. Eki er adam da ómir boiyna bas bostandyǵynan aiyryldy, dep habarlaidy Ult.kz "Aq Jaiyq" basylymyna silteme jasap.
Sotta aiyptalýshylar retinde Ganiýshkino aýylynyń 24 jáne 25 jastaǵy eki turǵyny otyrdy. Sot olardyń ekeýin de joǵary qaýipsizdik mekemesinde ómir boiyna jazasyn óteýge úkim etti.
Sonymen qatar, sot qaza tapqan jas qyzdyń anasynyń azamattyq talap aryzyn qanaǵattandyrdy: ár aiyptalýshydan 15 million teńge moraldyq shyǵyn jáne 1 million 700 myń teńge materialdyq zalal óteý retinde óndirip alyndy.
Úkim 15 kún ishinde apelliatsiialyq tártipte qaralýy múmkin.
Esterińizge sala keteiik, 2024 jylǵy 18 qazan kúni Atyraý turǵyny, 2001 jylǵy Iana Legkodimova úiden shyǵyp, iz-tússiz joǵalǵan. Sol kezde óńirlik politsiia departamenti bul fakti boiynsha adam urlaý jáne óltirý baptary boiynsha qylmystyq is tirkelip, keshendi tergeý bastalǵanyn habarlaǵan.
24 jáne 25 jastaǵy eki kúdikti ustalyp, ýaqytsha ustaý izoliatoryna ornalastyryldy.
Iananyń anasy Galina qyzy týraly aityp berdi. Qyz kúndelik júrgizgen, jáne onyń joǵalǵannan keiingi kúndeliginde kúdiktiniń kim bolýy múmkin ekeni týraly keibir málimetter anyqtalǵan.
Qyzdyń denesi tek biylǵy jyldyń maýsym aiynda tabyldy. Tamyzda is Atyraý oblysynyń qylmystyq ister boiynsha mamandandyrylǵan aýdanaralyq sotynda qarala bastady.
Tergeý málimetteri boiynsha, Iana Legkodimovany Atyraýda óltirip, denesin Edil ózenine tastaǵan. Bul qylmysqa onyń jigiti men serigi kúdiktelgen. Is materialdaryna sáikes, qaza tapqan qyz bir aiyptalýshynyń adaldyǵyna kúmándanyp, qarym-qatynasty toqtatýdy josparlaǵan.
Sot barysynda qylmystyń adam shoshyrlyq derekteri jariialandy. Prokýror aiyptalýshylarǵa ómir boiyna bas bostandyǵynan aiyrylýdy surady.
