Astanada Tailandtan esirtki tasymaldaǵan jáne ony poshta arqyly jetkizýdi uiymdastyrǵan Qazaqstannyń eki azamaty sottaldy, dep habarlaidy ult.kz.
Bas prokýratýranyń málimetinshe, birinshi is boiynsha 20 jastaǵy boijetken aqshalai syiaqy úshin Tailandtan jalpy salmaǵy 4,7 keli kannabis ekstrakty salynǵan eki shabadandy jetkizgen. Ol esirtkini táttiler retinde jasyryp alyp ótpek bolǵan. Alaida zańsyz júk boijetken elorda áýejaiyna ushyp kelgen sátte anyqtalyp, tárkilendi.
Sot oǵan 16 jylǵa bas bostandyǵynan aiyrý jazasyn taǵaiyndady.
Ekinshi is boiynsha 39 jastaǵy er adam 2024 jyldyń kókteminde esirtkini halyq tutynatyn taýarlar retinde jasyryp, Tailandtan Qazaqstanǵa poshta arqyly jiberýdi uiymdastyrǵan.
Bul sálemdemelerdi alýǵa qatysy bar úsh adam buǵan deiin sottalǵan. Esirtki jiberýshige izdeý jariialanyp, ustalǵannan keiin ol sot aldynda jaýap berdi. Sot ony 8 jylǵa bas bostandyǵynan aiyrdy.
Ister boiynsha memlekettik aiyptaýdy kólik prokýratýrasy qoldaǵan.
