استانادا تايلاندتان ەسٸرتكٸ تاسىمالداعان جەنە ونى پوشتا ارقىلى جەتكٸزۋدٸ ۇيىمداستىرعان قازاقستاننىڭ ەكٸ ازاماتى سوتتالدى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, بٸرٸنشٸ ٸس بويىنشا 20 جاستاعى بويجەتكەن اقشالاي سىياقى ٷشٸن تايلاندتان جالپى سالماعى 4,7 كەلٸ كاننابيس ەكستراكتى سالىنعان ەكٸ شاباداندى جەتكٸزگەن. ول ەسٸرتكٸنٸ تەتتٸلەر رەتٸندە جاسىرىپ الىپ ٶتپەك بولعان. الايدا زاڭسىز جٷك بويجەتكەن ەلوردا ەۋەجايىنا ۇشىپ كەلگەن سەتتە انىقتالىپ, تەركٸلەندٸ.
سوت وعان 16 جىلعا باس بوستاندىعىنان ايىرۋ جازاسىن تاعايىندادى.
ەكٸنشٸ ٸس بويىنشا 39 جاستاعى ەر ادام 2024 جىلدىڭ كٶكتەمٸندە ەسٸرتكٸنٸ حالىق تۇتىناتىن تاۋارلار رەتٸندە جاسىرىپ, تايلاندتان قازاقستانعا پوشتا ارقىلى جٸبەرۋدٸ ۇيىمداستىرعان.
بۇل سەلەمدەمەلەردٸ الۋعا قاتىسى بار ٷش ادام بۇعان دەيٸن سوتتالعان. ەسٸرتكٸ جٸبەرۋشٸگە ٸزدەۋ جارييالانىپ, ۇستالعاننان كەيٸن ول سوت الدىندا جاۋاپ بەردٸ. سوت ونى 8 جىلعا باس بوستاندىعىنان ايىردى.
ٸستەر بويىنشا مەملەكەتتٸك ايىپتاۋدى كٶلٸك پروكۋراتۋراسى قولداعان.
