فوتو: Instagram.com
بٷگٸن اتىراۋ قالاسىنىڭ سوتى يانا لەگكوديموۆانى ٶلتٸردٸ دەپ ايىپتالعان كٷدٸكتٸلەرگە ٷكٸم شىعاردى. ەكٸ ەر ادام دا ٶمٸر بويىنا باس بوستاندىعىنان ايىرىلدى, دەپ حابارلايدى Ult.kz "اق جايىق" باسىلىمىنا سٸلتەمە جاساپ.
سوتتا ايىپتالۋشىلار رەتٸندە گانيۋشكينو اۋىلىنىڭ 24 جەنە 25 جاستاعى ەكٸ تۇرعىنى وتىردى. سوت ولاردىڭ ەكەۋٸن دە جوعارى قاۋٸپسٸزدٸك مەكەمەسٸندە ٶمٸر بويىنا جازاسىن ٶتەۋگە ٷكٸم ەتتٸ.
سونىمەن قاتار, سوت قازا تاپقان جاس قىزدىڭ اناسىنىڭ ازاماتتىق تالاپ ارىزىن قاناعاتتاندىردى: ەر ايىپتالۋشىدان 15 ميلليون تەڭگە مورالدىق شىعىن جەنە 1 ميلليون 700 مىڭ تەڭگە ماتەريالدىق زالال ٶتەۋ رەتٸندە ٶندٸرٸپ الىندى.
ٷكٸم 15 كٷن ٸشٸندە اپەللياتسييالىق تەرتٸپتە قارالۋى مٷمكٸن.
ەستەرٸڭٸزگە سالا كەتەيٸك, 2024 جىلعى 18 قازان كٷنٸ اتىراۋ تۇرعىنى, 2001 جىلعى يانا لەگكوديموۆا ٷيدەن شىعىپ, ٸز-تٷسسٸز جوعالعان. سول كەزدە ٶڭٸرلٸك پوليتسييا دەپارتامەنتٸ بۇل فاكتٸ بويىنشا ادام ۇرلاۋ جەنە ٶلتٸرۋ باپتارى بويىنشا قىلمىستىق ٸس تٸركەلٸپ, كەشەندٸ تەرگەۋ باستالعانىن حابارلاعان.
24 جەنە 25 جاستاعى ەكٸ كٷدٸكتٸ ۇستالىپ, ۋاقىتشا ۇستاۋ يزولياتورىنا ورنالاستىرىلدى.
يانانىڭ اناسى گالينا قىزى تۋرالى ايتىپ بەردٸ. قىز كٷندەلٸك جٷرگٸزگەن, جەنە ونىڭ جوعالعاننان كەيٸنگٸ كٷندەلٸگٸندە كٷدٸكتٸنٸڭ كٸم بولۋى مٷمكٸن ەكەنٸ تۋرالى كەيبٸر مەلٸمەتتەر انىقتالعان.
قىزدىڭ دەنەسٸ تەك بيىلعى جىلدىڭ ماۋسىم ايىندا تابىلدى. تامىزدا ٸس اتىراۋ وبلىسىنىڭ قىلمىستىق ٸستەر بويىنشا مامانداندىرىلعان اۋدانارالىق سوتىندا قارالا باستادى.
تەرگەۋ مەلٸمەتتەرٸ بويىنشا, يانا لەگكوديموۆانى اتىراۋدا ٶلتٸرٸپ, دەنەسٸن ەدٸل ٶزەنٸنە تاستاعان. بۇل قىلمىسقا ونىڭ جٸگٸتٸ مەن سەرٸگٸ كٷدٸكتەلگەن. ٸس ماتەريالدارىنا سەيكەس, قازا تاپقان قىز بٸر ايىپتالۋشىنىڭ ادالدىعىنا كٷمەندانىپ, قارىم-قاتىناستى توقتاتۋدى جوسپارلاعان.
سوت بارىسىندا قىلمىستىڭ ادام شوشىرلىق دەرەكتەرٸ جارييالاندى. پروكۋرور ايىپتالۋشىلارعا ٶمٸر بويىنا باس بوستاندىعىنان ايىرىلۋدى سۇرادى.
