Aqtóbe qalasynda áieldiń kisi qolynan qaza tapqan sáti beinebaqylaý kamerasyna túsip qalǵan. Qaiǵyly oqiǵa 12 qazanda Sátpaev kóshesindegi turǵyn úidiń aýlasynda bolǵan, dep habarlaidy ult.kz.
«Diapazon» basylymynyń málimetinshe, kamera jazbasynan er adamnyń oryndyqta otyrǵan áielge jaqyndaǵany kórinedi. Áiel odan qashyp qutylýǵa tyrysqanymen, er adam sońynan qýyp jetip, arqasyna pyshaq suqqan. Áiel alǵan jaraqatynan kóz jumǵan.
Marqum qylmys bolǵan úidiń birinshi qabatyndaǵy dúkende jumys istegen. Basylym tilshileri oqiǵa ornyna baryp, aýmaqty qorshaǵan beinebaqylaý júiesi men kúzettiń bar ekenin anyqtaǵan. Kireberiske shlagbaým da ornatylǵan.
Oqiǵa bolǵan jerdegi trotýar plitkalarynda qan izderi áli baiqalady. Olardy jýyp ketirýge tyrysqan belgiler bar.
