Ivan Stepanovich 1941 jyly maidanǵa óz erkimen attanyp, bailanysshy qyzmetin atqarǵan, dep habarlaidy ult.kz.
Ol Belarýsti azat etýge qatysyp, Kenigsbergke deiin jetken. Soǵystan keiin oraldyq maidanger óz ómirin prokýratýra organdaryndaǵy qyzmetke arnaǵan.
Toqaev Halyq qaharmany, soǵys jáne eńbek ardageri Ivan Gapichtiń otbasyna kóńil aitty.
«Ivan Stepanovich maidanǵa óz erkimen attanyp, bailanysshy retinde soǵystyń sońyna deiin qatysty. Elge oralǵan soń uzaq jyldar boiy prokýratýra organdarynda minsiz qyzmet atqardy. Adamgershilik qaǵidattarynan ainymaityn ári óz isiniń naǵyz mamany retinde ol áriptesteri men kópshilik arasynda zor abyroiǵa ie bolyp, qurmetke bólendi», – dep jazylǵan jedelhatta.
