Atyraý oblysynda bir otbasynyń joǵalýyna qatysty áleýmettik jelide óz nusqasyn taratqan «hakerge» qatysty qylmystyq is sotqa joldandy. Bul týraly Ishki ister ministriniń orynbasary Sanjar Ádilov málimdedi, dep habarlaidy ult.kz.
Onyń aitýynsha, tergeý aiaqtalǵan. Er adamnyń memlekettik derekter bazalaryna nemese basqa da aqparattyq júielerge qoljetimdiligi bolmaǵan.
«Atyraýlyq haker» jelide jariialaǵan málimetterdiń qyzmettik aqparattan alynǵany anyqtalǵan. Aqparattyń taraýyna jol bergen laýazymdy tulǵalar jaýapkershilikke tartylǵan.
32 jastaǵy er adamǵa birneshe ret alaiaqtyq jasady degen aiyp taǵylyp otyr. Politsiia bul aiyptardyń joǵalǵan otbasynyń ólimine qatysty iske qatysy joq ekenin málimdedi.
Ol otbasy joǵalǵannan keiin áleýmettik jelide ózin «haker» dep tanystyryp, oqiǵaǵa qatysty jeke tergeý júrgizgenin aitqan. Onyń videolary áleýmettik jelide keń taraǵan.
Er adam halyqaralyq izdeýde bolyp, keiin Túrkiiadan Qazaqstanǵa deportatsiialanǵan. 2026 jylǵy aqpanda kúdikti áielimen birge Indoneziiada ustalǵany habarlanǵan.
