Premer-Ministrdiń orynbasary – Saýda jáne integratsiia ministri Serik Jumanǵarin Qazaqstandaǵy McDonald’s-tiń ýaqytsha jabylýy týraly pikir bildirdi, dep habarlaidy QazAqparat.

«Búkil aqparatty sizderge aita almaimyn. Óitkeni men alǵan aqparatty kompaniianyń bas keńesi áli maquldamaǵan. Biraq birshama kólemdegi taýar, 1000-ǵa jýyq atalym importtalyp kelgen. Keibiri ózimizde shyǵarylatyn. Mysaly, toqashtardy «Baiserke-Agro» shyǵaryp keldi. Sondyqtan qazir qaita qurylymdaý júrip jatyr. Biz kompaniia basshylyǵynan Saýda ministrligi tarapynan qandai kómek kerek ekenin suradyq. Tehnikalyq retteý komitetine jumys jyldamdaýy úshin sertifikatsiia boiynsha qandai kómek bere alatynymyzdy qaraýdy tapsyrdym. Bul baǵytta jumys júrip jatyr», - dedi Jumanǵarin.

«Bul oqiǵa Qairat Boranbaevtyń ustalýyna bailanysty emes pe?», - dep surady jýrnalist.

«Joq, ondai áseri bar dep oilamaimyn. Ol bar bolǵany aktsioner ǵana ǵoi», - dedi vitse-premer.