پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ سەرٸك جۇمانعارين قازاقستانداعى McDonald’s-تٸڭ ۋاقىتشا جابىلۋى تۋرالى پٸكٸر بٸلدٸردٸ, دەپ حابارلايدى قازاقپارات.

«بٷكٸل اقپاراتتى سٸزدەرگە ايتا المايمىن. ٶيتكەنٸ مەن العان اقپاراتتى كومپانييانىڭ باس كەڭەسٸ ەلٸ ماقۇلداماعان. بٸراق بٸرشاما كٶلەمدەگٸ تاۋار, 1000-عا جۋىق اتالىم يمپورتتالىپ كەلگەن. كەيبٸرٸ ٶزٸمٸزدە شىعارىلاتىن. مىسالى, توقاشتاردى «بايسەركە-اگرو» شىعارىپ كەلدٸ. سوندىقتان قازٸر قايتا قۇرىلىمداۋ جٷرٸپ جاتىر. بٸز كومپانييا باسشىلىعىنان ساۋدا مينيسترلٸگٸ تاراپىنان قانداي كٶمەك كەرەك ەكەنٸن سۇرادىق. تەحنيكالىق رەتتەۋ كوميتەتٸنە جۇمىس جىلدامداۋى ٷشٸن سەرتيفيكاتسييا بويىنشا قانداي كٶمەك بەرە الاتىنىمىزدى قاراۋدى تاپسىردىم. بۇل باعىتتا جۇمىس جٷرٸپ جاتىر», - دەدٸ جۇمانعارين.

«بۇل وقيعا قايرات بورانباەۆتىڭ ۇستالۋىنا بايلانىستى ەمەس پە?», - دەپ سۇرادى جۋرناليست.

«جوق, ونداي ەسەرٸ بار دەپ ويلامايمىن. ول بار بولعانى اكتسيونەر عانا عوي», - دەدٸ ۆيتسە-پرەمەر.