Foto: freepik
Qarjy ministrliginiń qyzmetkerleri biyl úsh-tórt jalaqy kóleminde jańajyldyq syiaqy alýy múmkin. Bul týraly Premer-ministrdiń orynbasary - Qarjy ministri Erulan Jamaýbaev aitty, - dep habarlaidy Tengrinews.kz saity.
Májilis kýlýarynda jýrnalister vedomstvo qyzmetkerleri biyl qandai syiaqy alatynyn surady.
"Bizdiń ministrlikte óńirler bólek alady, ortalyq apparat - bólek. Meniń oiymsha, 3-4 jalaqy mólsherinde syilyqaqy bólingen shyǵar", - dep jaýap berdi Jamaýbaev.
Ol Qarjy ministrliginde qyzmetkerlerge syiaqy berýge biýdjet baptary qarastyrylmaǵanyn atap ótti. Biraq "jalaqy, issapar shyǵyndary jáne basqa da" jalpy shyǵyndar bar.
"Biraq barlyq is-sharadan keiin – satyp alý, jalaqy tóleý - árbir memlekettik organda qandai da bir únemdelgen qarjy qalady. Zańda qarastyrylǵan, eger az mólsherde únemdelgen qarjy bolsa, ony syilyqaqy túrinde bere alady. Bul qyzmetkerler arasynda jai ǵana bóline salmaidy, syilyqaqy mólsherin anyqtaý jáne bul syilyqaqylardy berý erejeleri bar. Erekshe jumystar, kúrdeli jumystar, jumystan tys ýaqyttaǵy qyzmeti úshin. Sondyqtan munyń bári zań boiynsha – árbir memlekettik organ derbes bóledi", - dep tolyqtyrdy vitse-premer.
