فوتو: freepik
قارجى مينيسترلٸگٸنٸڭ قىزمەتكەرلەرٸ بيىل ٷش-تٶرت جالاقى كٶلەمٸندە جاڭاجىلدىق سىياقى الۋى مٷمكٸن. بۇل تۋرالى پرەمەر-مينيستردٸڭ ورىنباسارى - قارجى مينيسترٸ ەرۇلان جاماۋباەۆ ايتتى, - دەپ حابارلايدى Tengrinews.kz سايتى.
مەجٸلٸس كۋلۋارىندا جۋرناليستەر ۆەدومستۆو قىزمەتكەرلەرٸ بيىل قانداي سىياقى الاتىنىن سۇرادى.
"بٸزدٸڭ مينيسترلٸكتە ٶڭٸرلەر بٶلەك الادى, ورتالىق اپپارات - بٶلەك. مەنٸڭ ويىمشا, 3-4 جالاقى مٶلشەرٸندە سىيلىقاقى بٶلٸنگەن شىعار", - دەپ جاۋاپ بەردٸ جاماۋباەۆ.
ول قارجى مينيسترلٸگٸندە قىزمەتكەرلەرگە سىياقى بەرۋگە بيۋدجەت باپتارى قاراستىرىلماعانىن اتاپ ٶتتٸ. بٸراق "جالاقى, ٸسساپار شىعىندارى جەنە باسقا دا" جالپى شىعىندار بار.
"بٸراق بارلىق ٸس-شارادان كەيٸن – ساتىپ الۋ, جالاقى تٶلەۋ - ەربٸر مەملەكەتتٸك ورگاندا قانداي دا بٸر ٷنەمدەلگەن قارجى قالادى. زاڭدا قاراستىرىلعان, ەگەر از مٶلشەردە ٷنەمدەلگەن قارجى بولسا, ونى سىيلىقاقى تٷرٸندە بەرە الادى. بۇل قىزمەتكەرلەر اراسىندا جاي عانا بٶلٸنە سالمايدى, سىيلىقاقى مٶلشەرٸن انىقتاۋ جەنە بۇل سىيلىقاقىلاردى بەرۋ ەرەجەلەرٸ بار. ەرەكشە جۇمىستار, كٷردەلٸ جۇمىستار, جۇمىستان تىس ۋاقىتتاعى قىزمەتٸ ٷشٸن. سوندىقتان مۇنىڭ بەرٸ زاڭ بويىنشا – ەربٸر مەملەكەتتٸك ورگان دەربەس بٶلەدٸ", - دەپ تولىقتىردى ۆيتسە-پرەمەر.
