Dúniejúzilik densaýlyq saqtaý uiymynyń basshysy Tedros Adhanom Gebreiesýs DDSU jumysyn qorǵap, Covid-19-dy saiasilandyrýdy toqtatý kerek ekenin aitty, dep jazady VVS.
Basylymnyń habarlaýynsha, ásirese, AQSh prezidenti Donald Tramp tarapynan agenttikke qarsy pikir jii aitylyp júr. Sonymen qatar Tramp BUU úshin amerikalyq qarjylandyrýdy toqtatatynyn málimdegen bolatyn.
Tedros Adhanom óz sózinde virýsty saiasilandyrýdy doǵaryp, álem elderin yntymaqtastyq tanytýǵa shaqyrdy.
«Buǵan deiin Tramp DDSU áreketteri Qytaidy qoldaýǵa baǵyttalǵanyn aityp min taqty. Al DDSU basshysy uiymnyń barlyq ulttarǵa jaqyn ekenin aitty», - dep jazady basylym.
Avtordyń aitýynsha, sársenbi kúni AQSh memlekettik hatshysy Maik Pompeo DDSU-na qarjylandyrý kózin ákimshilik qaita qarastyryp jatqanyn, uiym óz mindetterin durys oryndaýy kerek ekenin aitqan.
«Covid-19 alǵash ret Ýhan qalasynda paida boldy. DDSU basshysy uiymnyń Qytaimen virýs tabiǵatyn túsiný úshin ǵana tyǵyz bailanysta bolǵanyn aitty. Tedros óz sózinde memleketter arasynda birlik bolýy kerektigin aityp, Covid-ti saiasi kózqarasta paidalanbaýǵa shaqyrdy», - dep jazady basylym.
