دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس ددسۇ جۇمىسىن قورعاپ, Covid-19-دى ساياسيلاندىرۋدى توقتاتۋ كەرەك ەكەنٸن ايتتى, دەپ جازادى ۆۆس.
باسىلىمنىڭ حابارلاۋىنشا, ەسٸرەسە, اقش پرەزيدەنتٸ دونالد ترامپ تاراپىنان اگەنتتٸككە قارسى پٸكٸر جيٸ ايتىلىپ جٷر. سونىمەن قاتار ترامپ بۇۇ ٷشٸن امەريكالىق قارجىلاندىرۋدى توقتاتاتىنىن مەلٸمدەگەن بولاتىن.
تەدروس ادحانوم ٶز سٶزٸندە ۆيرۋستى ساياسيلاندىرۋدى دوعارىپ, ەلەم ەلدەرٸن ىنتىماقتاستىق تانىتۋعا شاقىردى.
«بۇعان دەيٸن ترامپ ددسۇ ەرەكەتتەرٸ قىتايدى قولداۋعا باعىتتالعانىن ايتىپ مٸن تاقتى. ال ددسۇ باسشىسى ۇيىمنىڭ بارلىق ۇلتتارعا جاقىن ەكەنٸن ايتتى», - دەپ جازادى باسىلىم.
اۆتوردىڭ ايتۋىنشا, سەرسەنبٸ كٷنٸ اقش مەملەكەتتٸك حاتشىسى مايك پومپەو ددسۇ-نا قارجىلاندىرۋ كٶزٸن ەكٸمشٸلٸك قايتا قاراستىرىپ جاتقانىن, ۇيىم ٶز مٸندەتتەرٸن دۇرىس ورىنداۋى كەرەك ەكەنٸن ايتقان.
«Covid-19 العاش رەت ۋحان قالاسىندا پايدا بولدى. ددسۇ باسشىسى ۇيىمنىڭ قىتايمەن ۆيرۋس تابيعاتىن تٷسٸنۋ ٷشٸن عانا تىعىز بايلانىستا بولعانىن ايتتى. تەدروس ٶز سٶزٸندە مەملەكەتتەر اراسىندا بٸرلٸك بولۋى كەرەكتٸگٸن ايتىپ, Covid-تٸ ساياسي كٶزقاراستا پايدالانباۋعا شاقىردى», - دەپ جازادى باسىلىم.
