Kollaj: ulysmedia.kz
Qazaqstan politsiiasy ustap alyp azaptaǵan qyrǵyzstandyq mýzykant Vikram Rýzahýnov Eýropadaǵy qaýipsizdik jáne yntymaqtastyq uiymynan Qazaqstandaǵy qańtar oqiǵasyn tekserýdi suraidy, dep habarlady Ulysmedia.kz portaly 24.kg saityna silteme jasap.
Rýzahýnov EQYU-ny jyl basynda Qazaqstandaǵy narazylyq kezinde quqyq qorǵaý organdarynyń qyzmetkerleri jasaǵan azaptaýlarǵa nazar aýdarýǵa shaqyrdy.
Ol ózin Qazaqstan «terrorist» retinde kórsetkisi kelgen birinshi sheteldik ekenin atap ótti.
«Eger Qazaqstannyń quqyq qorǵaý salasy azaptaǵandardy taýyp, jazalasa, bul faktor azaptaýdyń ol aimaqta taralýyna tosqaýyl bolady. Meni anyqtap, shý shyǵarǵan sátsiz siýjetten keiin Qazaqstanǵa shabýyl jasaǵan 20 myń lańkes týraly miftiń kózi joiyldy. Búkil álem kórdi. Qyrǵyzstannyń birikken azamattyq qoǵamynyń arqasynda bosatyldym. Siýjetke beitanys adam tańdalsa ne bolar edi. Elestetýdiń ózi qorqynyshty. Men olardyń terrorist retinde kórsetkisi kelgen birinshi sheteldik boldym. Segiz aidan keiin meniń azaptaý isim boiynsha eshkim qamaýǵa alynbady nemese jaýapqa tartylmady», - dedi ol.
Eske salaiyq, 9 qańtarda Qazaqstan jáne Khabar 24 memlekettik telearnalary áleýmettik jelilerde Qyrǵyzstannan narazylyq sherýine qatysý úshin ushyp kelgen jáne ol úshin 90 myń teńge alǵan tutqynnyń videosyn jariialaǵan bolatyn. Týystary men áriptesteri ustalǵan adamdy qyrǵyz pianisti, Bishkektegi djaz orkestriniń jetekshisi Vikram Rýzahýnov ekenin tanydy. Olar Rýzahýnovtyń Qazaqstanǵa kontsertterge kelgenin aitqan.
