كوللاج: ulysmedia.kz
قازاقستان پوليتسيياسى ۇستاپ الىپ ازاپتاعان قىرعىزستاندىق مۋزىكانت ۆيكرام رۋزاحۋنوۆ ەۋروپاداعى قاۋٸپسٸزدٸك جەنە ىنتىماقتاستىق ۇيىمىنان قازاقستانداعى قاڭتار وقيعاسىن تەكسەرۋدٸ سۇرايدى, دەپ حابارلادى Ulysmedia.kz پورتالى 24.kg سايتىنا سٸلتەمە جاساپ.
رۋزاحۋنوۆ ەقىۇ-نى جىل باسىندا قازاقستانداعى نارازىلىق كەزٸندە قۇقىق قورعاۋ ورگاندارىنىڭ قىزمەتكەرلەرٸ جاساعان ازاپتاۋلارعا نازار اۋدارۋعا شاقىردى.
ول ٶزٸن قازاقستان «تەرروريست» رەتٸندە كٶرسەتكٸسٸ كەلگەن بٸرٸنشٸ شەتەلدٸك ەكەنٸن اتاپ ٶتتٸ.
«ەگەر قازاقستاننىڭ قۇقىق قورعاۋ سالاسى ازاپتاعانداردى تاۋىپ, جازالاسا, بۇل فاكتور ازاپتاۋدىڭ ول ايماقتا تارالۋىنا توسقاۋىل بولادى. مەنٸ انىقتاپ, شۋ شىعارعان سەتسٸز سيۋجەتتەن كەيٸن قازاقستانعا شابۋىل جاساعان 20 مىڭ لاڭكەس تۋرالى ميفتٸڭ كٶزٸ جويىلدى. بٷكٸل ەلەم كٶردٸ. قىرعىزستاننىڭ بٸرٸككەن ازاماتتىق قوعامىنىڭ ارقاسىندا بوساتىلدىم. سيۋجەتكە بەيتانىس ادام تاڭدالسا نە بولار ەدٸ. ەلەستەتۋدٸڭ ٶزٸ قورقىنىشتى. مەن ولاردىڭ تەرروريست رەتٸندە كٶرسەتكٸسٸ كەلگەن بٸرٸنشٸ شەتەلدٸك بولدىم. سەگٸز ايدان كەيٸن مەنٸڭ ازاپتاۋ ٸسٸم بويىنشا ەشكٸم قاماۋعا الىنبادى نەمەسە جاۋاپقا تارتىلمادى», - دەدٸ ول.
ەسكە سالايىق, 9 قاڭتاردا Qazaqstan جەنە Khabar 24 مەملەكەتتٸك تەلەارنالارى ەلەۋمەتتٸك جەلٸلەردە قىرعىزستاننان نارازىلىق شەرۋٸنە قاتىسۋ ٷشٸن ۇشىپ كەلگەن جەنە ول ٷشٸن 90 مىڭ تەڭگە العان تۇتقىننىڭ ۆيدەوسىن جارييالاعان بولاتىن. تۋىستارى مەن ەرٸپتەستەرٸ ۇستالعان ادامدى قىرعىز پيانيستٸ, بٸشكەكتەگٸ دجاز وركەسترٸنٸڭ جەتەكشٸسٸ ۆيكرام رۋزاحۋنوۆ ەكەنٸن تانىدى. ولار رۋزاحۋنوۆتىڭ قازاقستانعا كونتسەرتتەرگە كەلگەنٸن ايتقان.
