Batys Qazaqstan oblysynda politsiia qyzmetkeriniń koronavirýsqa qarsy ekpe saldyrǵannan keiin qaitqany jóninde jalǵan habar taratqan áiel ustaldy, dep habarlaidy "Ult aqparat",
BQO Politsiia departamentiniń resmi ókili Bolatbek Belgibekovtiń málim etkenindei, áieldiń politsiia qyzmetkeriniń ekpeniń kesirinen kóz jumǵany jónindegi aýdiojazbasy áleýmettik jelilerde taralyp ketken.
«Politsiia qyzmetkerleri áieldiń kim ekendigin anyqtady. Ol beinejazbasynda óziniń jalǵan habar taratqany jónindegi qateligin túsinip, keshirim surady. Áiel politsiia qyzmetkeriniń neden qaitqanyn bilmei turyp, kólikte estigen habardyń anyq-qanyǵyna jetpesten, ashý ústinde aýdiojazbany kórshisine jibergen. Kórshisiniń joldasy arqyly jalǵan jaitty odan ári taratyp jiberetinin oilamaǵan. Iaǵni qasaqana jalǵan habar taratý oiy bolmaǵandyqtan, qylmystyq is qozǵalmaýy múmkin, bul másele sheshilýde. Politsiia qyzmetkeri shyn mánisinde júrek talmasynan qaitys bolǵan. Sondai-aq Bórli aýdany politsiia bólimi úsh qyzmetkeriniń qaitys bolǵany jónindegi málimet te shyndyqqa sáikes kelmeidi. Turǵyndardan anyq emes aqparatty taratpaýdy suraimyz. Ol úshin qylmystyq jaýapkershilik qarastyrylǵan», - dedi Belgibekov.
