باتىس قازاقستان وبلىسىندا پوليتسييا قىزمەتكەرٸنٸڭ كوروناۆيرۋسقا قارسى ەكپە سالدىرعاننان كەيٸن قايتقانى جٶنٸندە جالعان حابار تاراتقان ەيەل ۇستالدى, دەپ حابارلايدى "ۇلت اقپارات",
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, ەيەلدٸڭ پوليتسييا قىزمەتكەرٸنٸڭ ەكپەنٸڭ كەسٸرٸنەن كٶز جۇمعانى جٶنٸندەگٸ اۋديوجازباسى ەلەۋمەتتٸك جەلٸلەردە تارالىپ كەتكەن.
«پوليتسييا قىزمەتكەرلەرٸ ەيەلدٸڭ كٸم ەكەندٸگٸن انىقتادى. ول بەينەجازباسىندا ٶزٸنٸڭ جالعان حابار تاراتقانى جٶنٸندەگٸ قاتەلٸگٸن تٷسٸنٸپ, كەشٸرٸم سۇرادى. ەيەل پوليتسييا قىزمەتكەرٸنٸڭ نەدەن قايتقانىن بٸلمەي تۇرىپ, كٶلٸكتە ەستٸگەن حاباردىڭ انىق-قانىعىنا جەتپەستەن, اشۋ ٷستٸندە اۋديوجازبانى كٶرشٸسٸنە جٸبەرگەن. كٶرشٸسٸنٸڭ جولداسى ارقىلى جالعان جايتتى ودان ەرٸ تاراتىپ جٸبەرەتٸنٸن ويلاماعان. ياعني قاساقانا جالعان حابار تاراتۋ ويى بولماعاندىقتان, قىلمىستىق ٸس قوزعالماۋى مٷمكٸن, بۇل مەسەلە شەشٸلۋدە. پوليتسييا قىزمەتكەرٸ شىن مەنٸسٸندە جٷرەك تالماسىنان قايتىس بولعان. سونداي-اق بٶرلٸ اۋدانى پوليتسييا بٶلٸمٸ ٷش قىزمەتكەرٸنٸڭ قايتىس بولعانى جٶنٸندەگٸ مەلٸمەت تە شىندىققا سەيكەس كەلمەيدٸ. تۇرعىنداردان انىق ەمەس اقپاراتتى تاراتپاۋدى سۇرايمىز. ول ٷشٸن قىلمىستىق جاۋاپكەرشٸلٸك قاراستىرىلعان», - دەدٸ بەلگٸبەكوۆ.
