Densaýlyq saqtaý ministrliginde vaktsina pasportyn satyp alǵandarǵa raqymshylyq jasaý máselesi talqylanyp jatyr.
Bul týraly Almaty qalalyq qoǵamdyq densaýlyq saqtaý basqarmasynyń basshysy Nariman Tabynbaev málim etti, dep habarlaidy "Ult aqparat".
«Densaýlyq saqtaý ministrliginde jalǵan vaktsina pasportyn alǵandarǵa qatysty raqymshylyq jasaý máselesi qaralyp jatyr. Olardyń memleket qarjysyna jekeshe ziian kelitirip jatqanyn biz de túsinemiz. Sondyqtan buǵan jeńil qaraýǵa bolmaidy. Ol adam qateligin moiyndap, vaktsina alǵysy kelse de dál qazir ekpe saldyra almaidy. Sebebi bazada olarda vaktsina aldy dep tur», - deidi Nariman Tabynbaev.
Jandarbek Bekshin jalǵan vaktsinatsiia pasportyn jasaǵandar istegenderine ókinip, ekpe alǵysy kelse, ony aqyly túrde ótkizýdi qoldaitynyn aitty.
«Bul másele Qoǵamdyq densaýlyq saqtaý departamentiniń baqylaýynda. Kóp jaǵdaida vaktsina tógildi, olar úkimetke de, qoǵamǵa da ziian tigizip otyr. Sondyqtan óz qaltasynan vaktsinatsiiadan ótkizýge májbúrleý kerek. Bul meniń usynysym, meniń oiym», - dedi qalanyń bas sanitariia dárigeri.
