دەنساۋلىق ساقتاۋ مينيسترلٸگٸندە ۆاكتسينا پاسپورتىن ساتىپ العاندارعا راقىمشىلىق جاساۋ مەسەلەسٸ تالقىلانىپ جاتىر.
بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ مەلٸم ەتتٸ, دەپ حابارلايدى "ۇلت اقپارات".
«دەنساۋلىق ساقتاۋ مينيسترلٸگٸندە جالعان ۆاكتسينا پاسپورتىن العاندارعا قاتىستى راقىمشىلىق جاساۋ مەسەلەسٸ قارالىپ جاتىر. ولاردىڭ مەملەكەت قارجىسىنا جەكەشە زييان كەلٸتٸرٸپ جاتقانىن بٸز دە تٷسٸنەمٸز. سوندىقتان بۇعان جەڭٸل قاراۋعا بولمايدى. ول ادام قاتەلٸگٸن مويىنداپ, ۆاكتسينا العىسى كەلسە دە دەل قازٸر ەكپە سالدىرا المايدى. سەبەبٸ بازادا ولاردا ۆاكتسينا الدى دەپ تۇر», - دەيدٸ ناريمان تابىنباەۆ.
جانداربەك بەكشين جالعان ۆاكتسيناتسييا پاسپورتىن جاساعاندار ٸستەگەندەرٸنە ٶكٸنٸپ, ەكپە العىسى كەلسە, ونى اقىلى تٷردە ٶتكٸزۋدٸ قولدايتىنىن ايتتى.
«بۇل مەسەلە قوعامدىق دەنساۋلىق ساقتاۋ دەپارتامەنتٸنٸڭ باقىلاۋىندا. كٶپ جاعدايدا ۆاكتسينا تٶگٸلدٸ, ولار ٷكٸمەتكە دە, قوعامعا دا زييان تيگٸزٸپ وتىر. سوندىقتان ٶز قالتاسىنان ۆاكتسيناتسييادان ٶتكٸزۋگە مەجبٷرلەۋ كەرەك. بۇل مەنٸڭ ۇسىنىسىم, مەنٸڭ ويىم», - دەدٸ قالانىڭ باس سانيتارييا دەرٸگەرٸ.
