بٷگٸندە ساحنا تٶرٸندە جارقىراپ جٷرگەن تانىمال ٶنەر يەلەرٸنٸڭ ٶمٸرٸ ەردايىم سەن-سالتاناتقا تولى بولماعان. بٸرٸ وتباسىن اسىراۋ ٷشٸن قارا جۇمىس ٸستەسە, ەندٸ بٸرٸ سٷيگەن ادامىنا قوسىلۋ جولىندا تٷرلٸ كەدەرگٸلەرگە تاپ بولعان. تٸپتٸ اۋىر سىرقات پەن تۇرمىستىق قيىندىقتى بٸرگە ٶتكەرگەندەر دە بار, دەپ حابارلايدى ult.kz.
1. جانبولات پەن جازيرا
قازاق ەستراداسىنداعى تانىمال جۇپتاردىڭ بٸرٸ جانبولات ەرباتىروۆ پەن جازيرا بايىربەكوۆانىڭ بٷگٸنگٸ جەتٸستٸگٸنٸڭ ارتىندا تالاي جىلعى ەڭبەك جاتىر. ەرلٸ-زايىپتىلار بٸر كەزدەرٸ كٷنكٶرٸس قامىمەن بازاردا ساۋدا جاساپ, قارا جۇمىس ٸستەگەندەرٸن جاسىرمايدى.
جازيرانىڭ ايتۋىنشا, ولار ٶنەر جولىن بٸردەن ٷلكەن ساحنادان باستاماعان. جانبولات كٷندٸز جٷك تاسىپ, كەشكە جۇبايىمەن بٸرگە مەيرامحانادا ەن شىرقاعان. وعان دەيٸن جەمٸس-جيدەك ساتىپ, تابىس تاپقان. ال الماتىعا كەلگەن العاشقى جىلدارى مەكتەپ ماڭىندا شەمٸشكە ساتىپ كٷن كٶرگەن كەزدەرٸ دە بولىپتى. بۇل تۋرالى جۇپ نۇرلان البانعا بەرگەن سۇحباتىندا بٶلٸسكەن.
جانبولات بٸر سۇحباتىندا “سايران” اۆتوۆوكزالىندا جٷك تيەۋشٸ بولىپ جۇمىس ٸستەگەنٸن, ال كەشكە كافەدە ەن ايتقانىن ەسكە العان. كەيٸن جيناعان اقشاسىنا پەتەر الىپ, ەن جازدىرىپ, ساحناعا قاجەتتٸ اپپاراتۋرا ساتىپ العان.
جۇپتىڭ ەسٸندە قالعان تاعى بٸر اۋىر وقيعا بار. بٸردە جولاقىعا اقشالارى جەتپەي, اياعى اۋىر جازيرا اۆتوبۋستان تٷسٸرٸلگەن. سول كەزدە جانبولات جۇبايىن جۇباتىپ, بەرٸ جاقسى بولاتىنىنا سەندٸرگەن.
بٷگٸندە ولار سول كەزەڭدەردٸ وتباسىلىق ٶمٸردٸڭ ماڭىزدى ساباقتارىنىڭ بٸرٸ رەتٸندە ەسكە الادى.
2. سەكەن مايعازيەۆ پەن دينارا
“مۋزارت” توبىنىڭ ەنشٸسٸ سەكەن مايعازيەۆ پەن جۇبايى دينارانىڭ وتباسىلىق ٶمٸرٸ دە بٸردەن جايلى تۇرمىستان باستالماعان. ولار ستۋدەنت كەزدەرٸندە تانىسىپ, سەكەن ەلٸ تانىمال ەنشٸ بولماي تۇرعان ۋاقىتتا شاڭىراق كٶتەرگەن.
ەنشٸ سۇحباتتارىنىڭ بٸرٸندە جۇبايىمەن بٸرگە جوقشىلىق كٶرگەن جىلدارىن اشىق ايتقان. جاس وتباسى پەتەردەن پەتەرگە كٶشٸپ, جاتاقحانادا تۇرعان. تٸپتٸ كٷندەلٸكتٸ ازىق-تٷلٸك الۋدىڭ ٶزٸ قۋانىشقا اينالعان كەزەڭدەر بولىپتى. سەكەننٸڭ ايتۋىنشا, ولار قىستىڭ سۋىعىندا دٷكەندە نان ساتىپ, كٷنكٶرٸس قامىن جاساعان. الايدا سول قيىندىقتارعا قاراماستان, دينارا كٷيەۋٸنٸڭ جانىنان تابىلعان.
ٶنەر يەسٸ جۇبايىنىڭ ٶزٸنە تانىمالدىققا جەتپەي تۇرعان كەزٸندە عاشىق بولعانىن ەرەكشە باعالايتىنىن ايتقان. ونىڭ سٶزٸنشە, بٷگٸنگٸ سەكەن مايعازيەۆتٸ كٶپشٸلٸك ەنشٸ رەتٸندە تانىسا, دينارا ونى ەشقانداي اتاعى مەن دەۋلەتٸ جوق كەزٸنەن بٸلەدٸ.
جۇپتىڭ ٶمٸرٸندەگٸ تاعى بٸر ٷلكەن سىناق – ۇزاق ۋاقىت سەبي كٷتۋٸ. سەكەن مەن دينارا 15 جىل بويى تاعى بٸر پەرزەنت سٷيۋدٸ ارمانداعان كەزەڭدەرٸن دە كٶپشٸلٸكپەن بٶلٸسكەن.
سوندىقتان ەنشٸ وتباسىلىق ٶمٸرٸندە جارىنىڭ سابىرى مەن قولداۋىن ەرەكشە باعالايتىنىن جاسىرمايدى.
3. مەيرامبەك بەسپاەۆ پەن مارحابات
قازاق ەستراداسىنىڭ تانىمال ەنشٸسٸ مەيرامبەك بەسپاەۆ پەن جۇبايى مارحاباتتىڭ ٶمٸرٸندە دە اۋىر سىناق بولعان.
بٸر كەزەڭدە مەيرامبەك بەسپاەۆتىڭ دەنساۋلىعى سىر بەرٸپ, ٶنەر يەسٸ اۋىر جاعدايدى باستان ٶتكەرگەن. ونىڭ قاتتى جٷدەپ كەتكەن كەزٸ كٶپشٸلٸكتٸڭ دە الاڭداۋشىلىعىن تۋعىزعان. ەنشٸ “حابار” تەلەارناسىنداعى “ەلگە سەلەم” باعدارلاماسىندا سول قيىن كەزەڭٸن ەسكە العان. ال جۇبايى مارحابات كٷيەۋٸنٸڭ قايتادان ساحناعا ورالاتىنىنا سەنگەنٸن جەتكٸزگەن.
بۇل وقيعا ەنشٸنٸڭ وتباسىلىق ٶمٸرٸندەگٸ قولداۋدىڭ قانشالىقتى ماڭىزدى بولعانىن كٶرسەتەدٸ. ٶنەر ادامى ٷشٸن ساحنادان الىستاۋ وڭاي بولماسا, ونىڭ قايتا ورالۋىنا سەنەتٸن جاقىندارىنىڭ بولۋى دا ەرەكشە مەنگە يە.
مەيرامبەك پەن مارحابات 2002 جىلى الماتىداعى رەسپۋبليكا سارايىندا تانىسقان. ال 2004 جىلعى 8 شٸلدەدە شاڭىراق كٶتەرگەن. جۇپ كەيٸن وتباسىلىق ٶمٸرٸ مەن تانىستىق تاريحى تۋرالى بٸرنەشە رەت سۇحبات بەرگەن.
4. قىدىرەلٸ بولمانوۆ پەن قاراقات ەبٸلدينا
قازاق ٶنەرٸندەگٸ تانىمال جۇپتاردىڭ بٸرٸ قىدىرەلٸ بولمانوۆ پەن قاراقات ەبٸلدينا دا وتباسىلىق ٶمٸر مەن شىعارماشىلىقتى قاتار الىپ كەلە جاتقان ٶنەر يەلەرٸ. قىدىرەلٸ بولمانوۆ ەنشٸلٸكپەن قاتار پروديۋسەرلٸك قىزمەت اتقارىپ, جۇبايىنىڭ ەستراداداعى شىعارماشىلىق جولىنا دا ٷلەس قوسقان. ونىڭ ايتۋىنشا, قاراقات العاشىندا دەستٷرلٸ ەن ورىنداۋشىسى رەتٸندە تانىلعان. كەيٸن ول جارىنىڭ شىعارماشىلىعىنا پروديۋسەرلٸك جاساپ, ەسترادالىق باعىتتاعى جوبالاردى قولعا العان.
الايدا ٶنەرلٸ وتباسىنىڭ ٶمٸرٸندە دە قيىن كەزەڭدەر بولعان. ەرلٸ-زايىپتىلار ۇزاق جىلدار بويى پەرزەنت كٷتٸپ, دەنساۋلىققا بايلانىستى تٷرلٸ قيىندىقتاردى باستان ٶتكەرگەن.
قىدىرەلٸ بولمانوۆ سۇحباتتارىنىڭ بٸرٸندە تۇڭعىش ۇلدارى بەكبولات دٷنيەگە كەلگەننەن كەيٸن سەگٸز جىلداي تاعى سەبي سٷيە الماعاندارىن ايتقان. وسى ۋاقىت ارالىعىندا قاراقات بٸرنەشە رەت تٷسٸك تاستاپ, ەرلٸ-زايىپتىلار دەرٸگەرلەردٸڭ كٶمەگٸنە جٷگٸنگەن.
“سەگٸز جىلداي بٶپە كٶرمەدٸك”, – دەپ ەسكە العان قىدىرەلٸ بولمانوۆ.
الايدا جۇپ ٷمٸتتەرٸن ٷزبەي, بۇل قيىن كەزەڭدٸ بٸرگە ٶتكەرگەن. كەيٸن ولاردىڭ وتباسىندا تاعى بالالار دٷنيەگە كەلدٸ.
ٶنەرلٸ وتباسى ٷشٸن مۇنىمەن سىناق اياقتالماعان. 2025 جىلى قاراقات ەبٸلدينا “ەيگەرٸم سەيفوللانىڭ سىرلاسۋى” باعدارلاماسىندا جۇبايىنىڭ دەنساۋلىعىنا قاتىستى الاڭداتارلىق جاعدايدى العاش رەت اشىق ايتقان.
ەنشٸنٸڭ سٶزٸنشە, قىدىرەلٸ بولمانوۆ بٸرنەشە جىل بويى دەنساۋلىعىنا بايلانىستى ەم قابىلداعان. تٸپتٸ ەرلٸ-زايىپتىلار گەرمانيياعا بارىپ, مەديتسينالىق كٶمەككە جٷگٸنگەن. الايدا ولاردىڭ شەتەلگە ساپارىن كەيبٸر ادامدار دەمالىسپەن بايلانىستىرعان.
2026 جىلدىڭ مامىر ايىندا دا وتباسى تاعى بٸر قيىن جاعدايعا تاپ بولدى. قىدىرەلٸ بولمانوۆ كەنەتتەن ٶزٸن جايسىز سەزٸنٸپ, اۋرۋحاناعا تٷسكەن. جۇبايىنىڭ دەنساۋلىعىنا الاڭداعان قاراقات ەبٸلدينا استانادا جوسپارلانعان كونتسەرتٸنٸڭ ۋاقىتىن ٶزگەرتۋگە مەجبٷر بولدى. ەنشٸ سول كەزەڭدە ەلەۋمەتتٸك جەلٸدە جۇبايىنا دەگەن الاڭداۋشىلىعىن بٸلدٸرٸپ, قيىندىقتاردىڭ ارتتا قالۋىن تٸلەگەن.
وسىلايشا, قىدىرەلٸ مەن قاراقات ۇزاق جىلدار بويعى سەبي كٷتۋ مەن دەنساۋلىققا بايلانىستى سىناقتاردى بٸرگە باستان ٶتكەرگەن. بٷگٸندە ولار وتباسىلىق ٶمٸر مەن شىعارماشىلىقتى قاتار الىپ كەلە جاتقان تانىمال ٶنەرلٸ جۇپتاردىڭ بٸرٸ.
5. روزا ەلقوجا مەن ايدىن
تانىمال ەنشٸ روزا ەلقوجا مەن جۇبايى ايدىن وتباسىلىق ٶمٸرٸ دە تۇرمىستىق قيىندىقتاردان باستالعان. جاس وتباسى باسپاناسىزدىقتى باستان ٶتكەرٸپ, بٸرنەشە جىل بويى ٶز ٷيلەرٸنە قول جەتكٸزۋ ٷشٸن ەڭبەك ەتكەن.
روزا ەلقوجا 2026 جىلى “كەزدەسۋ” باعدارلاماسىنا بەرگەن سۇحباتىندا تۇرمىسقا شىققاننان كەيٸنگٸ اۋىر كەزەڭدٸ ەسكە العان. ونىڭ ايتۋىنشا, ەكٸ بالاسىمەن بٸرگە الماتىداعى چايكوۆسكيي كٶشەسٸندە ورنالاسقان ۋاقىتشا پەتەردە تۇرعان. باسپانانىڭ ٸشٸندە سۋ دا, جۋىناتىن ورىن دا بولماعان. ەنشٸ سول كەزدە جۋرناليست بولىپ جۇمىس ٸستەپ, بالا تەربيەسٸ مەن ٷي شارۋاسىن قاتار الىپ جٷرگەن. كٷندەلٸكتٸ تٸرشٸلٸكتٸڭ قيىندىعىنان كەيدە ماكارون قۋىرىپ جەپ, دەمالۋعا عانا شامالارى جەتكەنٸن جاسىرماعان.
الايدا ەرلٸ-زايىپتىلار ٶز باسپاناسىن الۋدان ٷمٸت ٷزبەگەن. ەكەۋٸ جۇمىس ٸستەپ, جەر ساتىپ الۋعا اقشا جيناعان. كەيٸن سول جەرگە ٷي تۇرعىزۋدى باستاعان. روزانىڭ ايتۋىنشا, ٷيدٸڭ قۇرىلىسىن اياقتاۋعا 10 جىل ۋاقىت كەتكەن.
بٷگٸندە روزا ەلقوجا ەنشٸ, اقىن ەرٸ سازگەر رەتٸندە كٶپشٸلٸككە تانىمال. ال بٸر كەزدەرٸ سۋى جوق پەتەردە تۇرىپ, جىلدار بويى ٷي سالعان كەزەڭٸ ونىڭ وتباسىلىق ٶمٸرٸندەگٸ ۇمىتىلماس ەستەلٸكتەردٸڭ بٸرٸ بولىپ قالعان.
بٷگٸندە ەل سٷيٸپ تىڭدايتىن ٶنەر جۇلدىزدارىنىڭ جارقىن ٶمٸرٸنٸڭ ارتىندا تالاي قيىندىق پەن سىناق جاتىر. بٸرٸ كٷنكٶرٸس ٷشٸن جٷك تاسىپ, نان ساتسا, ەندٸ بٸرٸ جىلدار بويى باسپانا مەن پەرزەنت كٷتكەن. ال كەيبٸرٸ اۋىر سىرقات پەن ٶمٸردٸڭ كٷتپەگەن سىناقتارىن بٸرگە ەڭسەرگەن. بۇل جۇپتاردىڭ تاعدىرىن بايلانىستىراتىن ورتاق نەرسە – قيىن سەتتە بٸر-بٸرٸنە دەگەن سەنٸمٸن جوعالتپاي, قولداۋ كٶرسەتە بٸلۋٸ. ولاردىڭ ٶمٸر جولى ماحابباتتىڭ تەك ەدەمٸ سٶزدەر مەن قىمبات سىيلىقتاردان تۇرمايتىنىن, شىنايى سەزٸمنٸڭ قادٸرٸ قيىندىقتا بٸلٸنەتٸنٸن كٶرسەتەدٸ.
بٷگٸندە ساحنادا قاتار جارقىراپ جٷرگەن بۇل جانداردىڭ ەڭ ٷلكەن جەتٸستٸگٸ – اتاق پەن بايلىق قانا ەمەس, جىلدار بويى بٸرگە قۇرعان وتباسى مەن بٸر-بٸرٸنە دەگەن سىيلاستىعى.
