Aktrisa Dariǵa Badyqovanyń burynǵy jubaiy, akter Darhan Musaev kópshilikke jaqsy jańalyǵy bar ekenin jetkizdi, dep habarlaidy ult.kz.

Ol sózinde adam josparlaǵan dúnieniń bári birdei oryndala bermeitinin aityp, Allanyń qalaýyna senetinin bildirdi.

“Qudaidyń qudiretine kózim jetti. Adamnyń emes, Allanyń aitqany bolady eken. Jaqsy jańalyǵym bar. Aldaǵy ýaqytta bólisip otyramyn”, – dedi Darhan Musaev.

Alaida akter jańalyǵynyń naqty nege qatysty ekenin ashyp aitpady. 

Aita keteiik, Dariǵa Badyqova men Oljas Abaidyń jańa ánderi shyqty.

Dariǵa Badyqova kim? 
 

Dariǵa Bolatqyzy Badyqova – qazaqstandyq aktrisa, ánshi jáne kinoprodiýser. Ol 1985 jyly 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda “Mýzykalyq drama jáne rejissýra” mamandyǵy boiynsha bilim alǵan. Óner jolyn rejisser Bolat Atabaevtyń “Aqsarai” mýzykalyq teatrynda bastaǵan. Teatr sahnasynda “Qyz Jibek” qoiylymyndaǵy Qamqa beinesin somdaǵan.

Keiin kino men telehikaialarǵa túsip, kópshilikke tanyldy. Kórermen ony ásirese “Kelinjan” telehikaiasyndaǵy Aisara róli arqyly biledi. Sondai-aq “Qazaqsha biznes” filmder seriiasyna, “Ǵashyq júrek”, “Traktorshynyń mahabbaty” jobalaryna qatysqan. 2023 jyly jaryq kórgen “Taptym-aý seni” romantikalyq komediiasynda prodiýser ári basty róldi oryndaýshy retinde tanyldy. Bul filmde akter Oljas Abaimen birge oinaǵan. Keiin atalǵan kartinanyń jalǵasyn túsirip, kino óndirisindegi jumysyn jalǵastyrdy.