foto: pixabay.com
Qazaqstan azamaty Ýkrainadaǵy soǵysqa qatysqany úshin sottaldy, - dep habarlaidy "Ult aqparat".
Qaraǵandy qalasy Qazybek bi aýdandyq soty baspasóz qyzmetiniń málimetinshe, sotqa deiingi tergeý organdary er adamdy QR QK 170-babynyń 3-bóligi boiynsha, atap aitqanda jaldamalynyń qarýly qaqtyǵysqa, áskeri is-qimyldarǵa, sondai-aq konstitýtsiialyq qurylysty qulatýǵa jáne buzýǵa nemese memlekettiń aýmaqtyq tutastyǵyn buzýǵa baǵyttalǵan ózge de zorlyq-zombylyq áreketterge qatysqany úshin aiyptaǵan.
Sottalýshy Sh. biyl naýryz aiynda Qaraǵandy oblysynyń Topar kentindegi úiinde bolǵan kezde "Vkontakte" áleýmettik jelisi arqyly "Vagner" jeke áskeri kompaniiasy týraly bilip, aqshalai syiaqy alý maqsatynda Ýkraina aýmaǵyndaǵy áskeri is-qimyldarǵa qatysýǵa kelisken. Sodan soń Resei aýmaǵyna baryp, joǵaryda atalǵan JÁK qataryna qosylyp, onda áskeri daiyndyqty júzege asyrǵan. Sáýir aiynyń sońynda ol Ýkraina aýmaǵynda ornalasqan Bahmýt qalasyna jiberilip, Ýkrainanyń konstitýtsiialyq qurylysyn jáne aýmaqtyq tutastyǵyn buzýǵa baǵyttalǵan is-qimyldarǵa qatysqan. Keiin ol jaralanyp, komissiialanǵan.
"Prokýror sottan Sh.-nyń jaldamaly retinde alǵan aqshasy tárkilenip, 6 jyl 8 ai merzimge bas bostandyǵynan aiyrý jazasyn taǵaiyndaýdy surady. Al qorǵaýshy bas bostandyǵynan aiyrýǵa bailanysty emes jaza taǵaiyndaýdy surady.
Sottalýshynyń kinásin tolyq moiyndaýynan basqa, onyń quqyq buzýshylyq jasaýdaǵy kinási is boiynsha jinaqtalǵan dáleldemelermen rastalady jáne olardyń qatystylyǵy, jol beriletindigi eshkimmen daýlanbaidy" - delingen habarlamada.
QR QK-niń 170-baby 3-bóliginiń sanktsiiasy múlki tárkilenip, 7 jyldan 10 jylǵa deiingi merzimge bas bostandyǵynan aiyrý túrindegi jazany kózdeidi.
"Sot Sh.-nyń kináni tolyq moiyndaýyn jeńildetetin jaǵdai dep tanydy. Sonymen qatar sot sottalýshynyń is-áreketinen kináni aýyrlatatyn mán-jailar anyqtaǵan joq.
Joǵaryda aitylǵandardy eskere otyryp, sot QR QK-niń 55-baby 2-bóliginiń 2) tarmaǵynyń talaptaryn qoldanyp, oǵan jeńildetetin mán-jailar bolǵanyn jáne aýyrlatatyn mán-jailardyń bolmaýyn eskerdi, iaǵni aýyr qylmys jasaǵan kezde jazanyń merzimi nemese mólsheri úshten ekisinen aspaýy tiis, bul 6 jyl 8 aidy quraidy.
2023 jylǵy 28 tamyzdaǵy sot úkimimen Sh.-ǵa jaldamaly retinde alǵan aqshalai qarajatyn tárkilei otyryp, 6 jyl 8 ai merzimge bas bostandyǵynan aiyrý jazasy taǵaiyndaldy", - delingen habarlamada.
Ol jazasyn ortasha qaýipsizdik mekemesinde óteidi.
Sot úkimi zańdy kúshine endi.
