فوتو: pixabay.com
قازاقستان ازاماتى ۋكرايناداعى سوعىسقا قاتىسقانى ٷشٸن سوتتالدى, - دەپ حابارلايدى "ۇلت اقپارات".
قاراعاندى قالاسى قازىبەك بي اۋداندىق سوتى باسپاسٶز قىزمەتٸنٸڭ مەلٸمەتٸنشە, سوتقا دەيٸنگٸ تەرگەۋ ورگاندارى ەر ادامدى قر قك 170-بابىنىڭ 3-بٶلٸگٸ بويىنشا, اتاپ ايتقاندا جالدامالىنىڭ قارۋلى قاقتىعىسقا, ەسكەري ٸس-قيمىلدارعا, سونداي-اق كونستيتۋتسييالىق قۇرىلىستى قۇلاتۋعا جەنە بۇزۋعا نەمەسە مەملەكەتتٸڭ اۋماقتىق تۇتاستىعىن بۇزۋعا باعىتتالعان ٶزگە دە زورلىق-زومبىلىق ەرەكەتتەرگە قاتىسقانى ٷشٸن ايىپتاعان.
سوتتالۋشى ش. بيىل ناۋرىز ايىندا قاراعاندى وبلىسىنىڭ توپار كەنتٸندەگٸ ٷيٸندە بولعان كەزدە "ۆكونتاكتە" ەلەۋمەتتٸك جەلٸسٸ ارقىلى "ۆاگنەر" جەكە ەسكەري كومپانيياسى تۋرالى بٸلٸپ, اقشالاي سىياقى الۋ ماقساتىندا ۋكراينا اۋماعىنداعى ەسكەري ٸس-قيمىلدارعا قاتىسۋعا كەلٸسكەن. سودان سوڭ رەسەي اۋماعىنا بارىپ, جوعارىدا اتالعان جەك قاتارىنا قوسىلىپ, وندا ەسكەري دايىندىقتى جٷزەگە اسىرعان. سەۋٸر ايىنىڭ سوڭىندا ول ۋكراينا اۋماعىندا ورنالاسقان باحمۋت قالاسىنا جٸبەرٸلٸپ, ۋكراينانىڭ كونستيتۋتسييالىق قۇرىلىسىن جەنە اۋماقتىق تۇتاستىعىن بۇزۋعا باعىتتالعان ٸس-قيمىلدارعا قاتىسقان. كەيٸن ول جارالانىپ, كوميسسييالانعان.
"پروكۋرور سوتتان ش.-نىڭ جالدامالى رەتٸندە العان اقشاسى تەركٸلەنٸپ, 6 جىل 8 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى. ال قورعاۋشى باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى.
سوتتالۋشىنىڭ كٸنەسٸن تولىق مويىنداۋىنان باسقا, ونىڭ قۇقىق بۇزۋشىلىق جاساۋداعى كٸنەسٸ ٸس بويىنشا جيناقتالعان دەلەلدەمەلەرمەن راستالادى جەنە ولاردىڭ قاتىستىلىعى, جول بەرٸلەتٸندٸگٸ ەشكٸممەن داۋلانبايدى" - دەلٸنگەن حابارلامادا.
قر قك-نٸڭ 170-بابى 3-بٶلٸگٸنٸڭ سانكتسيياسى مٷلكٸ تەركٸلەنٸپ, 7 جىلدان 10 جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ.
"سوت ش.-نىڭ كٸنەنٸ تولىق مويىنداۋىن جەڭٸلدەتەتٸن جاعداي دەپ تانىدى. سونىمەن قاتار سوت سوتتالۋشىنىڭ ٸس-ەرەكەتٸنەن كٸنەنٸ اۋىرلاتاتىن مەن-جايلار انىقتاعان جوق.
جوعارىدا ايتىلعانداردى ەسكەرە وتىرىپ, سوت قر قك-نٸڭ 55-بابى 2-بٶلٸگٸنٸڭ 2) تارماعىنىڭ تالاپتارىن قولدانىپ, وعان جەڭٸلدەتەتٸن مەن-جايلار بولعانىن جەنە اۋىرلاتاتىن مەن-جايلاردىڭ بولماۋىن ەسكەردٸ, ياعني اۋىر قىلمىس جاساعان كەزدە جازانىڭ مەرزٸمٸ نەمەسە مٶلشەرٸ ٷشتەن ەكٸسٸنەن اسپاۋى تيٸس, بۇل 6 جىل 8 ايدى قۇرايدى.
2023 جىلعى 28 تامىزداعى سوت ٷكٸمٸمەن ش.-عا جالدامالى رەتٸندە العان اقشالاي قاراجاتىن تەركٸلەي وتىرىپ, 6 جىل 8 اي مەرزٸمگە باس بوستاندىعىنان ايىرۋ جازاسى تاعايىندالدى", - دەلٸنگەن حابارلامادا.
ول جازاسىن ورتاشا قاۋٸپسٸزدٸك مەكەمەسٸندە ٶتەيدٸ.
سوت ٷكٸمٸ زاڭدى كٷشٸنە ەندٸ.
