Videodan alynǵan skrin
Almaty oblysynda mal urlyǵyna qatysty iri qylmystyq is áshkerelendi, dep habarlaidy Ult.kz.
Oblystyq politsiia departamentiniń málimetinshe, 15–16 sáýir kúnderi Uiǵyr aýdany Tasqarasý aýyly mańyndaǵy «Jer kópir» jaiylymynda belgisiz adamdar qoradan 43 bas iri qara maldy urlap ketken. Bul derek boiynsha qylmystyq is qozǵalyp, birden jedel-izdestirý sharalary bastalǵan.
Politsiianyń habarlaýynsha, júrgizilgen arnaiy operatsiia nátijesinde kúdiktiler Jetisý oblysy Jarkent qalasy aýmaǵynda ustaldy. Iske Kriminaldyq politsiia basqarmasy men Uiǵyr aýdanynyń jedel qyzmetkerleri birlesip qatysqan.
Almaty oblysy politsiia departamentiniń bastyǵy Meiram Ábikeevtiń aitýynsha, 6 adam qolǵa túsken. Olar 43 bas iri qarany urlap, ony zańsyz jolmen ótkizip jibergenin moiyndaǵan.
Qazirgi ýaqytta kúdiktiler ýaqytsha ustaý izoliatoryna qamaldy. Tergeý amaldary jalǵasyp, olardyń basqa da mal urlyǵy faktilerine qatysy bar-joǵy tekserilýde.
Aita keteiik, buǵan deiin de Almaty oblysynda bopsalaý jáne avtokólik urlyǵyna qatysty qylmystar áshkerelengen bolatyn.
