ۆيدەودان الىنعان سكرين
الماتى وبلىسىندا مال ۇرلىعىنا قاتىستى ٸرٸ قىلمىستىق ٸس ەشكەرەلەندٸ, دەپ حابارلايدى Ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, 15–16 سەۋٸر كٷندەرٸ ۇيعىر اۋدانى تاسقاراسۋ اۋىلى ماڭىنداعى «جەر كٶپٸر» جايىلىمىندا بەلگٸسٸز ادامدار قورادان 43 باس ٸرٸ قارا مالدى ۇرلاپ كەتكەن. بۇل دەرەك بويىنشا قىلمىستىق ٸس قوزعالىپ, بٸردەن جەدەل-ٸزدەستٸرۋ شارالارى باستالعان.
پوليتسييانىڭ حابارلاۋىنشا, جٷرگٸزٸلگەن ارنايى وپەراتسييا نەتيجەسٸندە كٷدٸكتٸلەر جەتٸسۋ وبلىسى جاركەنت قالاسى اۋماعىندا ۇستالدى. ٸسكە كريمينالدىق پوليتسييا باسقارماسى مەن ۇيعىر اۋدانىنىڭ جەدەل قىزمەتكەرلەرٸ بٸرلەسٸپ قاتىسقان.
الماتى وبلىسى پوليتسييا دەپارتامەنتٸنٸڭ باستىعى مەيرام ەبٸكەەۆتٸڭ ايتۋىنشا, 6 ادام قولعا تٷسكەن. ولار 43 باس ٸرٸ قارانى ۇرلاپ, ونى زاڭسىز جولمەن ٶتكٸزٸپ جٸبەرگەنٸن مويىنداعان.
قازٸرگٸ ۋاقىتتا كٷدٸكتٸلەر ۋاقىتشا ۇستاۋ يزولياتورىنا قامالدى. تەرگەۋ امالدارى جالعاسىپ, ولاردىڭ باسقا دا مال ۇرلىعى فاكتٸلەرٸنە قاتىسى بار-جوعى تەكسەرٸلۋدە.
ايتا كەتەيٸك, بۇعان دەيٸن دە الماتى وبلىسىندا بوپسالاۋ جەنە اۆتوكٶلٸك ۇرلىعىنا قاتىستى قىلمىستار ەشكەرەلەنگەن بولاتىن.
