Qymbatty dostar!
Bizdiń ministrlik Bailanys qyzmetin kórsetý erejesine jańa ózgertýler engizýde. Bul ózgertýler uialy bailanys abonentteri kópten beri aityp júrgen birqatar problemany sheshýge baǵyttalyp otyr.
Osyǵan birneshe mysal keltire keteiin.
Jańa ereje bailanys operatorlaryna jeke shotta qarajat bolmaǵan jaǵdaida qyzmet kórsetýge tosqaýyl qoiyp otyr. Bul - negizinen roýming qyzmetine qatysty. Osylaisha, biz abonenttik nomerdiń «minýs» bolýynyń, iaǵni qaryz bolyp qalýynyń aldyn alamyz.
Sondai-aq, budan bylai aýystyrylǵan nomerge qońyraý shalý kezinde «beep» qosý signalyn erikten tys ornatý praktikasy joiylady. Endi shaqyrý signalynyń aldynda qosymsha akýstikalyq signaldar men paýzalardy ornatý abonenttiń ótinishimen ǵana iske asady.
Sonymen qatar, abonentke ussd komanda nemese sms jiberýdi engizý arqyly qosymsha bailanys qyzmetterin tańý problemasy da sheshildi. Endi klavishti qatelesip basý, kezdeisoq habarlama jiberý nemese basqa da baiqaýsyzda bolǵan áreketter saldarynan qajetsiz qyzmetterge qosylyp ketpeisiz.
Jaqyn ýaqytta qujattyń tolyq mátini BAQ-ta jariialanady, osydan keiin 10 kúnnen soń ol kúshine enedi.
Dáýren Abaevtyń feisbýktegi jazbasynan
