قىمباتتى دوستار!
بٸزدٸڭ مينيسترلٸك بايلانىس قىزمەتٸن كٶرسەتۋ ەرەجەسٸنە جاڭا ٶزگەرتۋلەر ەنگٸزۋدە. بۇل ٶزگەرتۋلەر ۇيالى بايلانىس ابونەنتتەرٸ كٶپتەن بەرٸ ايتىپ جٷرگەن بٸرقاتار پروبلەمانى شەشۋگە باعىتتالىپ وتىر.
وسىعان بٸرنەشە مىسال كەلتٸرە كەتەيٸن.
جاڭا ەرەجە بايلانىس وپەراتورلارىنا جەكە شوتتا قاراجات بولماعان جاعدايدا قىزمەت كٶرسەتۋگە توسقاۋىل قويىپ وتىر. بۇل - نەگٸزٸنەن روۋمينگ قىزمەتٸنە قاتىستى. وسىلايشا, بٸز ابونەنتتٸك نومەردٸڭ «مينۋس» بولۋىنىڭ, ياعني قارىز بولىپ قالۋىنىڭ الدىن الامىز.
سونداي-اق, بۇدان بىلاي اۋىستىرىلعان نومەرگە قوڭىراۋ شالۋ كەزٸندە «beep» قوسۋ سيگنالىن ەرٸكتەن تىس ورناتۋ پراكتيكاسى جويىلادى. ەندٸ شاقىرۋ سيگنالىنىڭ الدىندا قوسىمشا اكۋستيكالىق سيگنالدار مەن پاۋزالاردى ورناتۋ ابونەنتتٸڭ ٶتٸنٸشٸمەن عانا ٸسكە اسادى.
سونىمەن قاتار, ابونەنتكە ussd كوماندا نەمەسە سمس جٸبەرۋدٸ ەنگٸزۋ ارقىلى قوسىمشا بايلانىس قىزمەتتەرٸن تاڭۋ پروبلەماسى دا شەشٸلدٸ. ەندٸ كلاۆيشتٸ قاتەلەسٸپ باسۋ, كەزدەيسوق حابارلاما جٸبەرۋ نەمەسە باسقا دا بايقاۋسىزدا بولعان ەرەكەتتەر سالدارىنان قاجەتسٸز قىزمەتتەرگە قوسىلىپ كەتپەيسٸز.
جاقىن ۋاقىتتا قۇجاتتىڭ تولىق مەتٸنٸ باق-تا جارييالانادى, وسىدان كەيٸن 10 كٷننەن سوڭ ول كٷشٸنە ەنەدٸ.
دەۋرەن اباەۆتىڭ فەيسبۋكتەگٸ جازباسىنان
