Qazaqstanda otbasylardyń ál-aýqatyn anyqtaý kezinde qandai kórsetkishter eskeriletini týraly túsindirme beinerolik jariialandy. Onda Otbasynyń tsifrlyq kartasy arqyly otbasylardy A jáne B sanattaryna bólý tártibi túsindirilgen, dep habarlaidy ult.kz.
Eńbek jáne halyqty áleýmettik qorǵaý ministrliginiń málimetinshe, otbasynyń ál-aýqaty tek tabysyna qarap anyqtalmaidy. Baǵalaý kezinde jyljymaityn múlki, kóligi, kásibi, jer ýchaskeleri jáne basqa da aktivteri eskeriledi.
A sanatyna ál-aýqaty joǵary otbasylar jatady. Olardyń ár múshesine shaqqandaǵy tabysy 7 kúnkóris minimýmynan asady. Sonymen qatar jyljymaityn múlki, liýks sanatyndaǵy kóligi, biznesi jáne basqa da aktivteri bolýy múmkin.
Al B sanatyna aýqatty otbasylar kiredi. Bul sanattaǵylardyń ár múshesine shaqqandaǵy tabysy 6–7 kúnkóris minimýmy aralyǵynda bolady. Sondai-aq olardyń jaily baspanasy, premiým sanatyndaǵy kóligi jáne kásipkerlik qyzmeti bolýy múmkin.
Ministrlik bul belgilerdiń bireýiniń bolýy otbasynyń avtomatty túrde belgili bir sanatqa jatqyzylatynyn bildirmeitinin atap ótti.
Otbasynyń ál-aýqaty 50-den astam ólshem boiynsha baǵalanady. Olardyń qatarynda tabys deńgeii, jumyspen qamtylýy, múlki, nesieleri men áleýmettik jaǵdaiy bar. Otbasynyń ómirlik jaǵdaiy ózgerse, onyń sanaty da qaita qaralýy múmkin.
