QR Premer-Ministriniń birinshi orynbasary Roman Skliar ýtilmalymǵa qatysty jurtshylyq arasynda júrgen daqpyrt áńgimelerge qatysty pikirin bildirdi, dep habarlaidy, QazAqparat.
«Barlyq istiń mán-jaiyn biletin ótirik sarapshylar taratatyn jalǵan feik bar. Olardyń jańylysyp júrgenderin, ne bolmasa bireýlerdiń paidasy úshin qasaqana isteitinderin bilmeimin. Birinshi daqpyrt – bizde avtoónerkásip joq, tek dóńgelegin salamyz. Zaýyttarymyzdy aralap shyqqan qoǵam ókilderi, blogerler óte kóp boldy jáne olar kórgenderine kóńili toldy dep sanaimyn», - dedi birinshi vitse-spiker «Habar-24» telearnasyndaǵy «Suhbat» baǵdarlamasy barysynda.
Roman Skliar ekinshi daqpyrt retinde avtoónerkásiptiń ýtilalym qarajaty esebinen sýbsidiia alyp otyrǵandyǵy týraly aqparattardy atady.
«Sýbsidiia dep ne atalady? Qarapaiym ǵana mysal keltireiin. Avtosalonda avtomobil satylady. Onyń quny – 9 mln teńge. Avtodiller 1 mln teńge ýtilalym tólep, ony 10 mln teńgege satady. Al otandyq taýar óndirýshiler, onyń ishinde avtoónerkásip nemese aýyl sharýashylyǵy mashinasyn jasaýshylar ne isteidi? Olar shaǵyn torapty nemese keń torapty jinalatyn mashinanyń jiyntyǵyn alyp keledi. Ony 9 mln teńgege satyp alyp, 1 mln teńge ýtilalym tóleidi. Avtosalonda satý barysynda oǵan ROP-tan sol 1 mln teńgesi qaitarylyp beriledi. Iaǵni, aqshanyń formaldy aǵylýy júredi. Tólem qoiyldy – tólem alyndy. Biraq, ony qandai da bir sýbsidiia dep kórsetedi. Bizdiń avtoóndirýshiler kádege jaratý alymynan bosatylǵan», - dedi Roman Skliar.
