قر پرەمەر-مينيسترٸنٸڭ بٸرٸنشٸ ورىنباسارى رومان سكليار ۋتيلمالىمعا قاتىستى جۇرتشىلىق اراسىندا جٷرگەن داقپىرت ەڭگٸمەلەرگە قاتىستى پٸكٸرٸن بٸلدٸردٸ, دەپ حابارلايدى, قازاقپارات.
«بارلىق ٸستٸڭ مەن-جايىن بٸلەتٸن ٶتٸرٸك ساراپشىلار تاراتاتىن جالعان فەيك بار. ولاردىڭ جاڭىلىسىپ جٷرگەندەرٸن, نە بولماسا بٸرەۋلەردٸڭ پايداسى ٷشٸن قاساقانا ٸستەيتٸندەرٸن بٸلمەيمٸن. بٸرٸنشٸ داقپىرت – بٸزدە اۆتوٶنەركەسٸپ جوق, تەك دٶڭگەلەگٸن سالامىز. زاۋىتتارىمىزدى ارالاپ شىققان قوعام ٶكٸلدەرٸ, بلوگەرلەر ٶتە كٶپ بولدى جەنە ولار كٶرگەندەرٸنە كٶڭٸلٸ تولدى دەپ سانايمىن», - دەدٸ بٸرٸنشٸ ۆيتسە-سپيكەر «حابار-24» تەلەارناسىنداعى «سۇحبات» باعدارلاماسى بارىسىندا.
رومان سكليار ەكٸنشٸ داقپىرت رەتٸندە اۆتوٶنەركەسٸپتٸڭ ۋتيلالىم قاراجاتى ەسەبٸنەن سۋبسيدييا الىپ وتىرعاندىعى تۋرالى اقپاراتتاردى اتادى.
«سۋبسيدييا دەپ نە اتالادى? قاراپايىم عانا مىسال كەلتٸرەيٸن. اۆتوسالوندا اۆتوموبيل ساتىلادى. ونىڭ قۇنى – 9 ملن تەڭگە. اۆتوديللەر 1 ملن تەڭگە ۋتيلالىم تٶلەپ, ونى 10 ملن تەڭگەگە ساتادى. ال وتاندىق تاۋار ٶندٸرۋشٸلەر, ونىڭ ٸشٸندە اۆتوٶنەركەسٸپ نەمەسە اۋىل شارۋاشىلىعى ماشيناسىن جاساۋشىلار نە ٸستەيدٸ? ولار شاعىن توراپتى نەمەسە كەڭ توراپتى جينالاتىن ماشينانىڭ جيىنتىعىن الىپ كەلەدٸ. ونى 9 ملن تەڭگەگە ساتىپ الىپ, 1 ملن تەڭگە ۋتيلالىم تٶلەيدٸ. اۆتوسالوندا ساتۋ بارىسىندا وعان روپ-تان سول 1 ملن تەڭگەسٸ قايتارىلىپ بەرٸلەدٸ. ياعني, اقشانىڭ فورمالدى اعىلۋى جٷرەدٸ. تٶلەم قويىلدى – تٶلەم الىندى. بٸراق, ونى قانداي دا بٸر سۋبسيدييا دەپ كٶرسەتەدٸ. بٸزدٸڭ اۆتوٶندٸرۋشٸلەر كەدەگە جاراتۋ الىمىنان بوساتىلعان», - دەدٸ رومان سكليار.
